Mlipuko kiwandani Mexico waua watu 26

Imebadilishwa: 19 Septemba, 2012 - Saa 08:56 GMT

Takriban watu 26 wameuawa Kaskazini mwa Mexico baada ya mlipuko na kisha moto kuzuka katika kiwanda cha gesi katika jimbo la Tamaulipas.

Kampuni ya mafuta ya serikali ya Mexico,Pemex imeeleza kwamba moto huo ulitokea katika kiwanda hicho nje ya Reynosa iliyo karibu na mpaka na Marekani.

Mkurugenzi mkuu wa kampuni hiyo, Juan Jose Suarez, alisema kuwa watu ishrini na tano wlaiuawa katika kiwanda hichho huku mmoja akikanyagwa na gari.

Wafanyikazi wengine wengi walijeruhiwa.

Akizungumza katika mkutano na waandishi habari, Juan Jose Suarez Coppell alisema kuwa tayari wameanzisha uchunguzi wa kina kubaini chanzo cha mlipuko huo

Visa kama hivyo, vimewahi kutokea katika viwanda vilivyoko karibu vya Pemex katika miezi miwili iliyopita ambavyo vimesemekana kutokea kutokana na wizi wa mafuta unaotekelezwa na makundi ya wahalifu.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.