“கர்நாடக மக்களை புண்படுத்தியிருந்தால் வருந்துகிறேன்” - சத்யராஜ்

  • 21 ஏப்ரல் 2017
ஒலிபரப்பு மென்பொருள் உங்கள் கணினியில் இல்லை
``கர்நாடக மக்களை புண்படுத்தியிருந்தால் வருந்துகிறேன்`` - சத்யராஜ்

தன்னுடைய வார்த்தைகள் கர்நாடக மக்களை புண்படுத்தி இருந்தால், அதற்கு வருத்தம் தெரிவிப்பதாக தமிழ் நாட்டின் திரை நட்சத்திரங்களில் ஒருவரான நடிகர் சத்யராஜ் தெரிவித்திருக்கிறார்.

படத்தின் காப்புரிமை facebook

ஒன்பது ஆண்டுகளுக்கு முன்னால், காவிரி நதிநீர் பிரச்சனையின்போது, நடிகர் சத்யராஜ் பேசியபோது சில வார்த்தைகள் கர்நாடக மக்களின் மனங்களை புண்படுத்தின என்பதால், அவர் மன்னிப்பு கேட்கும்வரை சத்யராஜூம் நடித்துள்ள பாகுபலி திரைப்படத்தின் இரண்டாம் பாகத்தை கர்நாடகத்தில் திரையிட அனுமதிக்கமாட்டோம் என்று கர்நாடக அமைப்புகள் சில கூறிவந்தன.

ஒலிபரப்பு மென்பொருள் உங்கள் கணினியில் இல்லை
கட்டப்பாவோடு மீண்டும் கைகோர்ப்பாரா? ராஜமௌலி பேட்டி

இந்நிலையில், பகுபலி திரைப்படத்தின் இரண்டாம் பாகம் விரைவில் வெளியாகவுள்ளதால், சத்யராஜ் இந்த வருத்தத்தை வெளியிட்டுள்ளார்.

நடிகர்கள் சத்யராஜ் மற்றும் மாதவனுக்கு கமல்ஹாசன் அழைப்பு

ராஜூமுருகனின் ஜோக்கர் திரைப்படத்திற்கு தேசிய விருது அறிவிப்பு

ஆனால், தான் கர்நாடக மக்களுக்கு எதிரானவன் அல்ல என்று தெரிவித்திருக்கும் சத்யராஜ், அதற்கு எடுத்துக்காட்டாக தன்னிடம் உதவியாளராக 35 ஆண்டுகளாக பணிபுரிந்து வருகின்ற திரு.சேகர் அவர்களின் தாய்மொழி கன்னடம் என்று கூறியிருக்கிறார்.

பாகுபலி இரண்டாம் பாகம் திரைப்படத்தில் நடித்துள்ள அவர், அத்திரைப்படத்தின் சிறியதொரு பகுதிதான் என்றும், தன்னால் பல ஆயிரம் பேரின் உழைப்பும், பணமும் விரயமாவதை விரும்பவில்லை என்றும், இந்த திரைப்படத்தை வாங்கியுள்ள கர்நாடக விநியோகஸ்தர்களும், திரையங்கு உரிமையாளர்களும் பாதிக்கப்படாமல் பாதுகாக்கத்தான் இந்த முடிவை எடுத்துள்ளேன் என்றும் சத்யராஜ் விளக்கம் அளித்துள்ளார்.

ஆனால், "தமிழீழ பிரச்சனை, காவிரி நதிநீர் பிரச்சனை, விவசாயிகள் பிரச்சனை, தமிழக மக்களின் நலன் சார்ந்த அனைத்து நியாயமான பிரச்சனைகளுக்கும் தொடர்ந்து குரல் கொடுத்து கொண்டே இருப்பேன்" என்று சத்யராஜ் தெளிவுப்படுத்தியுள்ளார்.

இவ்வாறு உறுதிபட தெரிவிப்பதால், எதிர்காலத்தில் சத்யராஜை வைத்து படம் எடுத்தால் பிரச்சனைகள் வரும் என்று எண்ணும் தயாரிப்பாளர்கள், தன்னை தங்களின் படங்களில் ஒப்பந்தம் செய்ய வேண்டாம், தன்னால் நஷ்டம் அடைய வேண்டாம் என்று தாழ்மையுடன் கேட்டு கொள்வதாக அவர் தெரிவித்திருக்கிறார்.

படத்தின் காப்புரிமை facebook

"ஒரு நடிகனாக இருப்பதைவிட, இறப்பதைவிட, எந்தவிதமான மூட நம்பிக்கையும் இல்லாத ஒரு தமிழனாக இருப்பதும், இறப்பதும்தான் எனக்கு பெருமை, மகிழ்ச்சி" என்று அவர் குறிப்பிட்டுள்ளார்.

ஒன்பது ஆண்டுகளுக்கு முன்னால், காவிரி நதிநீர் பிரச்சனையின்போது, கர்நாடகாவில் தமிழர்கள் தாக்கப்பட்டனர்.

அதனை எதித்து நடைபெற்ற கூட்டத்தில், பல தமிழ் நடிகர்கள் ஆவேசமாக பேசினர். அப்போது நடிகர் சத்யராஜ் பேசிய சில வார்த்தைகள் கர்நாடக மக்களின் மனதை புண்படுத்தியதற்குதான் சத்தியராஜ் இப்போது வருத்தத்தை தெரிவித்திருக்கிறார்.

ஆனால், அப்போது அவரது பேச்சுக்கு எதிர்ப்பு தெரிவித்து கர்நாடகாவில் நடைபெற்ற ஆர்ப்பாட்டத்தில், நடிகர் சத்யராஜின் உருவப்பொம்மை எரிக்கப்பட்டது குறிப்பிடத்தக்கது.

தொடர்படைய செய்திகள்:

பாகுபலி திரைப்படம் குறித்த 10 சுவாரஸ்ய தகவல்கள்

பாகுபலி வெற்றியின் பின்னணியில் இருப்பது யார்?

பாகுபலி - 2 : சினிமா விமர்சனம்

நீங்கள் இந்த செய்திகளயும் விரும்பலாம்:

ஜல்லிக்கட்டுக்கு ஆதரவு பெருக இளைஞர்களே காரணம் - நடிகர் நாசர்

ஒலிபரப்பு மென்பொருள் உங்கள் கணினியில் இல்லை
ஜல்லிக்கட்டுக்கு ஆதரவு பெருக இளைஞர்களே காரணம் - நாசர் உருக்கம்

சினிமா விமர்சனம் - கடம்பன்

சினிமா விமர்சனம்: சிவலிங்கா

சமூக ஊடகங்களில் பிபிசி தமிழ் :

ஃபேஸ்புக்கில் படித்து கருத்துகள் தெரிவிக்க : பிபிசி தமிழ் முகநூல்

டிவிட்டரில் பிபிசி தமிழை பின்தொடர : பிபிசி தமிழ் ட்விட்டர்

இன்ஸ்டாகிராமில் விருப்பம் தெரிவிக்க : பிபிசி தமிழ் இன்ஸ்டாகிராம்

யு டியூப் பக்கத்தில் காணொளிகளை காண : பிபிசி தமிழ் யு டியூப்

தொடர்புடைய தலைப்புகள்