பிரிட்டனில் தனது முன்னணி மாடல் கார்களின் இரு பதிப்புகளை உற்பத்தி செய்ய நிஸான் திட்டம்

ஜப்பானிய கார் உற்பத்தியாளரான நிஸான், தனது நிறுவனத்தின் முன்னணி இரு மாடல்களின் புதிய பதிப்புகளை பிரிட்டனில் உற்பத்தி செய்ய உள்ளதாக முடிவெடுத்துள்ளது.

படத்தின் காப்புரிமை Getty Images
Image caption பிரிட்டனில் தனது முன்னணி மாடல் கார்களின் இரு பதிப்புகளை உற்பத்தி செய்ய நிஸான் திட்டம்

ஐரோப்பிய ஒன்றியத்திலிருந்து பிரிட்டன் வெளியேற வாக்களித்ததை தொடர்ந்து, பிரிட்டன் தொழிற்துறைக்காக எடுக்கப்பட்டுள்ள மிகப்பெரிய முதல் ஒப்பந்தம் இது.

நிஸான் நிறுவனத்தின் இந்த முடிவு குறைந்தது, 7000 பணியிடங்களை பாதுகாக்கும்.

சண்டெர்லாண்டில் உள்ள கார் உற்பத்தி ஆலை லாபகரமாக இயங்கும் நிலைக்கு தேவைப்படும் சூழ்நிலைக்கான உத்தரவாதத்தை பிரிட்டிஷ் அரசாங்கம் வழங்கியிருப்பதாக நிஸான் தெரிவித்துள்ளது.

கடந்த ஜூன் மாதம் ஐரோப்பிய ஒன்றியத்திலிருந்து பிரிட்டன் வெளியேற கோரி பிரிட்டிஷ் மக்கள் வாக்களித்ததை தொடர்ந்து, பிரிட்டனிலிருந்து நிஸான் வெளியேறப்போவதாக முன்னர் எச்சரித்திருந்தது குறிப்பிடத்தக்கது.

தொடர்புடைய தலைப்புகள்