ஆண் - பெண் சமத்துவத்தை விமர்சித்த ஊழியரை பணிநீக்கம் செய்தது கூகுள்

ஆண் - பெண் சமத்துவத்தை அதிகரிக்க கூகுள் மேற்கொள்ளும் முயற்சிகளை விமர்சனம் செய்த ஊழியரை, அந்த நிறுவனம் பணிநீக்கம் செய்திருப்பதை பிபிசி உறுதி செய்துள்ளது.

படத்தின் காப்புரிமை Getty Images

நிறுவனத்தின் நடத்தை விதிகளை, சர்ச்சைக்குரிய அந்த நபரின் கருத்துக்கள் தகர்த்துவிட்டதாக கூகுள் தலைமை நிர்வாகி சுந்தர் பிச்சை நிறுவன ஊழியர்களுக்கு திங்களன்று அனுப்பிய மின்னஞ்சல் செய்தியில் கூறினார்.

ஆண்களுக்கும் பெண்களுக்கும் உடல் ரீதியான வேறுபாடுகள் இருப்பதாலேயே, கூகுளின் உயர் தொழில்நுட்பம் மற்றும் தலைமைப் பொறுப்புகளில் பெண்கள் குறைவாக இருப்பதற்கான காரணம் என்று கூகுளின் கருத்துக்களை பிரதிபலிக்கும் குழுவின் முன் கூறப்பட்டிருந்த அந்த குறிப்பாணை கடந்த வாரம் பரவலாக பகிரப்பட்டது.

"நமது பணியிடத்தில் தீங்கு விளைவிக்கும் பாலின வேறுபாடுகளை அதிகரிப்பதான தோற்றத்தை ஏற்படுத்தும் இந்தக் கருத்து, வரம்பு மீறியது" என்று சுந்தர் பிச்சை கூறியிருக்கிறார்.

"பாலின இடைவெளியை பாலின அடிப்படையில் குறிப்பிடுவதை நிறுத்தவேண்டும்" என்றும் கூறும் அந்த குறிப்பை வெளியிட்டவர் யார் என்று கூகுள் கூறாவிட்டாலும், அவரது பெயர் ஜேம்ஸ் டாமோர் என்று ஊடகங்கள் கூறுகின்றன.

"பாலின முரண்பாடுகளை தூண்டுவதாக கூறி நான் பணிநீக்கம் செய்யப்பட்டேன்" என்று அவர் ராய்ட்டரிடம் தெரிவித்தார்.

இதுகுறித்து மேலும் பேசிய அவர், சக ஊழியர்கள், தங்கள் நன்றியை தெரிவித்து தனிப்பட்ட செய்திகளை அனுப்பியிருப்பதாகவும் கூறியிருக்கிறார்.

படத்தின் காப்புரிமை Getty Images
Image caption சர்ச்சைக்குரிய அந்த குறிப்பாணையில் உள்ள சில கருத்துகள் விவாத்த்திற்குரியவை என்கிறார் சுந்தர் பிச்சை

கருத்துகள் சரியில்லை

திங்கட்கிழமை மதியம் கூகுள் ஊழியர்களுக்கு நீண்ட கடிதத்தை அனுப்பிய சுந்தர் பிச்சை, இந்த குறிப்பில் உள்ள கருத்துகளை பெரும்பாலானோர் ஏற்றுக்கொள்ளாவிட்டாலும்கூட, இதில் குறிப்பிடப்பட்டுள்ள பல கருத்துகள் விவாதத்திற்கு உரியவை என்று கூறியிருக்கிறார்.

ஆனால், நமது சகாக்களில் ஒரு குழுவினர் உடல்ரீதியாக வேலைக்கு பொருந்தவில்லை என்று கூறுவது நேர்மையற்றது, தவறானது என்றும் சுந்தர் பிச்சை கூறுகிறார்.

'ஊழியர்கள் அனைவரும் தொந்தரவு, அச்சுறுத்தல், சார்பு மற்றும் சட்டவிரோத பாகுபாடு இல்லாத ஒரு பணியிட கலாசாரத்தை உருவாக்க வேண்டும்' என்று விரும்பும் நமது நிறுவனத்தின் அடிப்படை மதிப்புகள் மற்றும் நடத்தை விதிமுறைகளுக்கு இது முரணானது.

"பாலினம் பற்றிய தவறான எண்ணங்களை மேம்படுத்தும் கருத்து இது" என்று கூகுளின் புதிய பன்முகத்தன்மை தலைவர் டேனியல் பிரெளன் ஏற்கனவே விமர்சித்திருந்தார்.

மெய்சிலிர்க்க வைக்கும் முப்பரிமாண கூகுள் எர்த் காட்சிகள்

ஒலிபரப்பு மென்பொருள் உங்கள் கணினியில் இல்லை
மெய்மறக்க வைக்கும் மேம்படுத்தப்பட்ட கூகுள் எர்த்

பிற செய்திகள்

தொட்டால் பேசும் கூகுள் ஜாக்கெட்

ஒலிபரப்பு மென்பொருள் உங்கள் கணினியில் இல்லை
தொட்டால் பேசும் கூகுள் ஜாக்கெட்

சமூக ஊடகங்களில் பிபிசி தமிழ் :