டேங்கர்-போர்க்கப்பல் மோதல்: அமெரிக்க கடற்படை பிரிவின் கமாண்டர் நீக்கம்

எண்ணெய் டேங்கர் ஒன்றுடன் அமெரிக்க போர்க்கப்பல் மோதிய விபத்தை அடுத்து அமெரிக்க கடற்படையின் ஏழாவது கப்பல் தள பிரிவின் கமாண்டர் வைஸ் அட்மிரல் ஜோசப் அகாய்ன் பணி நீக்கம் செய்யப்பட்டுள்ளார்.

ஒலிபரப்பு மென்பொருள் உங்கள் கணினியில் இல்லை
எண்ணெய் டேங்கர் மீது மோதி விபத்துக்குள்ளான அமெரிக்க போர்க்கப்பல் யு.எஸ்.எஸ். ஜான் எஸ்.மெக்கெய்ன்.

அமெரிக்க அதிகாரிகள் இத்தகவலை தெரிவித்துள்ளனர்.

சிங்கப்பூர் அருகே திங்கள்கிழமை நடந்த விபத்தில் யு.எஸ்.எஸ். ஜான் எஸ்.மெக்கெய்ன் என்ற போர்க்கப்பல் எண்ணெய் டேங்கர் ஒன்றுடன் மோதியதில் போர்க்கப்பலின் பக்கவாட்டில் ஓட்டை ஏற்பட்டு உள்ளே தண்ணீர் புகுந்தது.

பத்து மாலுமிகள் காணாமல் போயுள்ளனர். தற்போது சிங்கப்பூர் துறைமுகத்தில் உள்ள இந்தக் கப்பலில் மனித உடல் பாகங்கள் கிடைத்ததாக கடற்படை அதிகாரிகள் கூறியுள்ளனர்.

படத்தின் காப்புரிமை Reuters
Image caption வைஸ் அட்மிரல் ஜோசப் அகாய்ன்

இந்த ஆண்டில், அமெரிக்க கடற்படைக் கப்பலால் ஆசியாவில் நிகழ்ந்துள்ள நான்காவது விபத்து இது.

அமெரிக்க கடற்படையின் ஏழாவது கப்பற்தொகுப்பு என்பது ஜப்பானின் யோகோசுகாவில் நிலை கொண்டுள்ளது.

இதில் 50 முதல் 70 வரையிலான கப்பல்களும் நீர்மூழ்கிக் கப்பல்களும் இருக்கலாம் என்று தெரிகிறது.

இத் தொகுப்பின் கமாண்டராக 2015ல் இருந்து பொறுப்பு வகிக்கும் அகாய்ன் சில வாரங்களில் ஓய்வு பெறவுள்ளார்.

காணாமல் போயுள்ள மாலுமிகளைத் தேடும் பணியில் அமெரிக்க, இந்தோனேசிய, மலேசிய மற்றும் சிங்கப்பூர் கடற்படைகளைச் சேர்ந்த கப்பல்கள், கருவிகள், விமானங்கள் ஈடுபட்டுள்ளன.

பிற செய்திகள்

சமூக ஊடகங்களில் பிபிசி தமிழ் :

தொடர்புடைய தலைப்புகள்