இந்திய நிர்வாக காஷ்மீரில் பள்ளிகள் எரிக்கப்படுவதை நிறுத்த வேண்டும்: மனித உரிமை அமைப்பு

இந்திய நிர்வாகத்திற்கு உட்பட்ட காஷ்மீரில் பள்ளிகள் கொலுத்தப்படுவது நிறுதப்பட வேண்டும் என்று "ஹ்யூமன் ரைட்ஸ் வாட்ச்" என்ற மனித உரிமை அமைப்பு தெரிவித்துள்ளது.

படத்தின் காப்புரிமை Getty Images
Image caption காஷ்மீரில் சமீபத்தில் பள்ளிகள் எரிக்கப்பட்ட எண்ணிக்கை, 25 ஆக உயர்ந்துள்ளது

சமீபத்தில் இம்மாதிரி பள்ளிகள் எரிக்கப்பட்ட எண்ணிக்கை 25 ஆக உயர்ந்துள்ளதையடுத்து இந்த கோரிக்கை வந்துள்ளது.

ஜூலை மாதத் தொடக்கத்தில், பிரிவினைவாதத்திற்கு ஆதரவாக போராட்டங்கள் தொடங்கியதிலிருந்து அங்கு பள்ளிகள் நடைபெறவில்லை.

பள்ளிகள் எரிக்கப்படும் சம்பவத்திற்கு இது வரை யாரும் பொறுப்பேற்கவில்லை; அது குறித்து யாரும் கைதாகவும் இல்லை.

மாணவர்கள் மற்றும் ஆசிரியர்கள் மீது தாக்குதல் நடத்துவது, பள்ளிகளில் ராணுவ ஆக்கிரமிப்பு, பிரிவினைவாத போராளிகளாக குழந்தைகளை மாற்றுவது ஆகியவற்றை நிறுத்த வேண்டும் என்றும் ஹ்யூமன் ரைட்ஸ் வாட்ச் தெரிவித்துள்ளது.

தொடர்புடைய தலைப்புகள்