'ராயல் இண்டியன்' விமானப்படை மத அடிப்படையில் பிரிக்கப்பட்டதா?

படத்தின் காப்புரிமை British Library

தற்போது, இந்தியா, பாகிஸ்தான் ஆகிய இரு நாடுகளின் 70-ஆவது சுதந்திர தினம் நெருங்குகிறது. இந்நிலையில், பிரிட்டன் ஆட்சியில் இருந்து இந்தியா சுதந்திரம் பெற்று, இரு நாடுகளாக பிரிந்தபோது ஏற்பட்ட குழப்பம், அதிர்ச்சி அவற்றின் நீங்காத விளைவுகள் ஆகியவற்றை அலசும் பிபிசி ஆய்வின் நான்காம் பாகம் இது.

1947 ஆம் ஆண்டு ஆகஸ்ட் மாதம், ஏறக்குறைய நாளிதழ்கள் அனைத்திலும் பாகப்பிரிவினை பற்றிய செய்திகள் வெளியாகின.

1947 ஆகஸ்ட் மூன்றாம் தேதியன்று ஒரு ஞாயிற்றுக்கிழமை நாள், லாகூரில் இருந்து வெளியாகும் 'ஈஸ்டர்ன் எக்ஸ்பிரஸ்' சிந்துப் பகுதியில் வறட்சி என்பதை பெரிய செய்தியாக இருந்தது.

டெல்லியில் இருந்து வெளியாகும் 'த ஹிந்துஸ்தான் டைம்ஸ் வீக்லி' நாளிதழில், ராயல் இண்டியன் விமானப்படை, மத அடிப்படையில் பிரிக்கப்படுவதை கட்டமிட்டுச் செய்தியாக வெளியிட்டிருந்தது.

டெல்லியில் இருந்து வெளியாகும் 'த ஹிந்துஸ்தான் டைம்ஸ் வீக்லி' நாளிதழ், லாகூரில் இருந்து வெளியாகும் 'ஈஸ்டர்ன் எக்ஸ்பிரஸ்' ஆகியவை 1947 ஆகஸ்ட் மூன்றாம் தேதியன்று வெளியிட்ட செய்திகளை பார்ப்போம்.மதத்தின் அடிப்படையில் ஒரு நாடு இரண்டாக பிரிக்கப்படும் நிலையில், மற்றொரு புறம் பாகப் பிரிவினைகளும், சொத்துகளையும் பிரிக்கப்படவேண்டியிருந்தது.

படத்தின் காப்புரிமை British Library

ஹிந்துஸ்தான் டைம்ஸ்

  • ராயல் இண்டியன் ஏர்ஃபோர்ஸ் பிரிக்கப்படுகிறது. போர்ப்படை பிரிவுகளில் பத்தில் எட்டு இந்தியாவுக்கும், இரண்டு பாகிஸ்தானுக்கும் ஒதுக்கப்படுகிறது.  வான்படையில் பணிபுரியும் இந்து மற்றும் இஸ்லாமிய வீரர்களின் எண்ணிக்கையின் அடிப்படையில் பிரிக்கப்படுகிறது.
  • காங்கிரசால் மட்டுமே நாட்டை மீண்டும் இணைக்கமுடியும் என்று  ஆகஸ்ட் மாதம் இரண்டாம் தேதி வெளியிட்ட ஒரு அறிக்கையில் காங்கிரஸ் பொதுச் செயலர் ஷங்கர் ராவ் தேவ் கூறியிருந்தார்.
  • டாக்டர் ஷ்யாமாபிரசாத் முகர்ஜி, இடைக்கால அரசின் பாதுகாப்பு அமைச்சராக இருக்க ஒப்புக்கொண்டார்.  இந்த முடிவை, வினாயக் தாமோதர் சாவர்கருடன் கலந்தாலோசித்த பிறகே அவர் ஒப்புக்கொண்டார்.
  • இந்திய அரசின் நிதி அமைச்சராக ஆர்.கே.ஷண்முகம் செட்டியார் பதவிவகிப்பார்.
படத்தின் காப்புரிமை British Library
  • ஆகஸ்ட் இரண்டாம் தேதி மதியம், நேரு, மவுண்ட் பேட்டனை சந்தித்தார்.  ஜின்னா, லியாகத் அலி செளத்ரியும் மவுண்ட் பேட்டனை சந்தித்தனர்.
  • மத்திய அமைச்சரவையில் மூன்று ஹரிஜன் அமைச்சர்கள் சேர்க்கப்பட வேண்டும் என்று கோரிக்கை வைக்கப்பட்டது.
  • இந்தியாவுக்கு அதன் உரிமைகள் கொடுக்கப்படுவது பற்றி லண்டனில் ஆலோசனை நடத்தப்பட்டது.  போரினால் பிரிட்டன் சீர்குலைந்துள்ளது. இதுபோன்ற சமயத்தில் தனது பொருளாதார சிக்கல்களில் இருந்து வெளிவருவதே அதற்கு முக்கியம் என்று தெரிவித்த ஆக்ஸ்ஃபர்ட் பல்கலைக்கழக பேரசிரியர் ஆர்.எஃப் ஹைரோட், இந்தியாவிற்கு அதன் பணத்தை திரும்பக்கொடுப்பது பற்றி இப்போது நினைத்துக்கூட பார்க்கமுடியாது என்று தெரிவித்தார்.
படத்தின் காப்புரிமை British Library

த இஸ்டர்ன் டைம்ஸ்

  • பிரிவினைக்கு பிறகு, புதுதில்லியில் இருந்து பாகிஸ்தானின் கராச்சி அலுவலகத்திற்கு அதிகாரிகள் வருகை தொடங்கியது.
  • பிரிட்டன் அரசின் அனுமதிக்கு பிறகு ஹைதராபாத் நிஜாமின் ஆணையின் பேரில் ஒரு அறிக்கை வெளியிடப்பட்டது.  அதில், பிரிட்டன் அரசின் கட்டுப்பாட்டில் இருக்கும் ஹைதராபாத் பிராந்தியத்தில் இருக்கும் ரயில்வே நிலங்கள், இனிமேல் நிஜாமின் கட்டுப்பாட்டிற்குள் வரும்.
  • ஹைதராபாத் இந்தியாவுடன் இணையாது.  வானொலி ஒலிபரப்பில் பேசிய நிஜாம், சுதந்திரமடைந்த பிறகும், இந்தியா, பாகிஸ்தான் என இரு நாடுகளிடமும் ஹைதராபாத் உறவுடன் இருக்க விரும்புவதாக அறிவித்தார்.
படத்தின் காப்புரிமை British Library
  • சிந்து பகுதியில் வறட்சி.  சிந்து பாலைவனப்பகுதியில் மழை இல்லாமல் ஏற்பட்ட வறட்சியின் காரணமாக இரண்டு லட்சம் மக்கள் பட்டினியால் தவிக்கின்றனர்.
  • அமிர்தசரஸில் பதட்டமான சூழ்நிலை நிலவுவதால், 80 மணி நேரத்திற்கு ஊரடங்கு உத்தரவு பிறப்பிக்கப்பட்டுள்ளது.
  • பாகிஸ்தானுக்கு நிதி அளிக்குமாறு அனைத்து முஸ்லிம்களிடமும் செய்தித்தாளின் ஆசிரியரின் தரப்பில் இருந்து கோரிக்கை வைக்கப்பட்டது.
படத்தின் காப்புரிமை British Library

பிற செய்திகள்:

ஒலிபரப்பு மென்பொருள் உங்கள் கணினியில் இல்லை
சுதந்திர இந்தியாவின் எல்லைக் கோடுகளை வகுத்த மனிதர்

சமூக ஊடகங்களில் பிபிசி தமிழ் :

தொடர்புடைய தலைப்புகள்