'தங்கல்' பட நடிகை ஜைரா அளித்த பாலியல் புகார் - ஒருவர் கைது

'தங்கல்' படத்தின் காப்புரிமை ZAIRAWASIM_/INSTAGRAM

விமான பயணத்தின் போது, தான் பாலியல் தொந்தரவுக்கு உள்ளாக்கப்பட்டதாக தங்கல் உள்ளிட்ட படங்களில் நடித்த ஜைரா வாசிம் அளித்த புகாரில் ஒருவர் கைது செய்யப்பட்டுள்ளார். ஞாயிற்றுக்கிழமையன்று, ஜைரா டெல்லியில் இருந்து மும்பைக்கு விமானத்தில் பயணம் செய்தபோது இச்சம்பவம் நடந்தது.

17 வயதான அவர், இன்ஸ்டாகிராமில் வீடியோ ஒன்றினை பதிவு செய்திருந்தார். அதில், விமானத்தில் தனக்கு நடந்த மோசமான அனுபவத்தை அழுதுகொண்டே விவரிக்கிறார். விமானத்தில் தனது இருக்கைக்குப் பின்னால் அமர்ந்துகொண்டிருந்த நடுத்தர வயது ஆண் ஒருவர் பாலியல் தொந்தரவு கொடுத்ததாக கூறுகிறார்.

பாதி தூக்கத்தில் இருந்தபோது பின்னால் அமர்ந்துகொண்டிருந்த நபர், தன் பின்புறத்திலும், கழுத்திலும் தொட்டு தொந்தரவு செய்ததாக ஜைரா வாசிம் பதிவிட்டுள்ளார். விமான பணியாளர்கள் யாரும் தனக்கு உதவி செய்யவில்லை எனவும் அவர் கூறியுள்ளார்.

இது குறித்து கருத்து தெரிவித்திருந்த ஏர் விஸ்தாரா,''சம்பவம் தொடர்பாக முழுமையான விசாரணையை நடத்தி வருகிறோம். இதுபோன்ற நடத்தையை ஒருபோதும் அனுமதிப்பதில்லை'' எனக் கூறியது.

ஜைரா வாசிம் வீடியோவில் மேலும் கூறுகையில்,'' நமக்கு நாமே உதவ முடிவு செய்யாவிட்டால், யாரும் நமக்கு உதவ முன்வரமாட்டார்கள்'' என்கிறார்.

பிற செய்திகள்:

சமூக ஊடகங்களில் பிபிசி தமிழ் :

தொடர்புடைய தலைப்புகள்