பெண்களுக்கான ஒரு நாள் உலகக் கோப்பை கிரிக்கெட் - 9 ருசிகர தகவல்கள்

ஐசிசி பெண்கள் உலகக் கோப்பை கிரிக்கெட் போட்டி இன்று இங்கிலாந்தில் துவங்கியிருக்கிறது. முதல் ஆட்டத்தில் இங்கிலாந்தும் இந்தியாவும் மோதுகின்றன. இன்னொரு ஆட்டத்தில் இலங்கையுடன் நியுஜிலாந்து மோதுகிறது. இந் நிலையில், பெண்கள் உலகக் கோப்பை கிரிக்கெட் குறித்த 9 ருசிகர தகவல்களை இங்கு தெரிந்து கொள்ளலாம்.

படத்தின் காப்புரிமை POONAM RAUR

1. ஆண்கள் உலகக்கோப்பைக்கு இரண்டு ஆண்டுகளுக்கு முன்னரே மகளிர் உலகக் கோப்பை விளையாடப்பட்டது. இது 1973-ஆம் ஆண்டு இங்கிலாந்தில் விளையாடப்பட்டது. 1975- ஆம் ஆண்டில்தான் ஆண்களுக்கான உலகக் கோப்பை இங்கிலாந்தில் விளையாடப்பட்டது.

2.1973-ல் வெளியேற்றும் சுற்றுகள் எதுவும் இல்லை. தொடரில் அதிக போட்டிகளில் வெற்றி பெற்றதன் அடிப்படையில் கோப்பையை இங்கிலாந்து அணி வென்றது. இங்கிலாந்து அணி ஆறில் ஐந்து போட்டிகளில் வென்றது. இந்திய அணி பெண்களுக்கான முதல் உலகக் கோப்பைத் தொடரில் பங்கேற்கவில்லை.

3.இரண்டாவது பெண்களுக்கான உலகக் கோப்பைத் தொடர் இந்தியாவில் நடைபெற்றது . இது ஒரு ருசிகரமான செய்தி. ஏனெனில் இந்தியா ஆண்களுக்கான உலகக்கோப்பையை 1987-ல்தான் நடத்தியது.

படத்தின் காப்புரிமை DEEPTI SHARMA

4.1982-ஆம் ஆண்டு நடந்த உலகக்கோப்பை இறுதிப்போட்டியில் டிக்கி பேர்ட் நடுவராக இருந்தார். இதன் மூலம் ஆண்கள் மற்றும் பெண்களுக்கான இரண்டு உலகக்கோப்பை இறுதியாட்டங்களிலும் நடுவராக செயல்பட்ட முதல் நடுவரானார்.

5.ஆஸ்திரேலியாவின் பெலிண்டா கிளார்க், ஒரு போட்டியில் அதிகபட்ச தனிநபர் ஸ்கோர் எடுத்த சாதனைக்குச் சொந்தக்காரர். அவர், இந்தியாவில் 1997-ல் நடைபெற்ற உலகக் கோப்பை போட்டியில் டென்மார்க் அணிக்கு எதிராக ஆட்டமிழக்காமல் 229 ஓட்டங்கள் எடுத்தார்.

6. ஆண்கள் ஒரு நாள் கிரிக்கெட்டில் இரட்டை சதம் அடிப்பதற்கு பல நாட்களுக்கு முன்பே பெண்களுக்கான ஒரு நாள் கிரிக்கெட்டில் பெலிண்டா கிளார்க் இரட்டை சதமடித்தார். ஆண்களுக்கான ஒரு நாள் கிரிக்கெட்டில் முதல் இரட்டை சதமடித்த முதல் வீரர் சச்சின் டெண்டுல்கர் ஆவார். 2010-ஆம் ஆண்டு தென்னாப்பிரிக்க அணிக்கு எதிராக ஆட்டமிழக்காமல் அவர் 200 ஓட்டங்கள் எடுத்தார்.

படத்தின் காப்புரிமை POONAM RAUT

7. பெண்கள் ஒரு நாள் கிரிக்கெட்டில் ஒரு இன்னிங்ஸில் அதிக ஓட்டங்கள் எடுத்த அணியாக ஆஸ்திரேலியா திகழ்கிறது. 1997-ல் நடந்த உலகக்கோப்பைப் போட்டியில் டென்மார்க் அணிக்கு எதிராக மூன்று விக்கெட்டுகளை மட்டுமே இழந்து ஆஸ்திரேலியா 412 ஓட்டங்கள் எடுத்தது.

8.பெண்களுக்கான உலகக்கோப்பை போட்டியில் ஒரு இன்னிங்ஸில் குறைந்த ஸ்கோர் எடுத்த அணியாக பாகிஸ்தான் உள்ளது. 1997 உலகக்கோப்பைப் போட்டியில், ஆஸ்திரேலியாவிற்கு எதிராக வெறும் 27 ஓட்டங்களுக்கு அந்த அணி ஆட்டமிழந்தது.

9.இதுவரை ஆஸ்திரேலியா 6 முறையும், இங்கிலாந்து 3 முறையும், நியூசிலாந்து ஒரு முறையும் பெண்களுக்கான உலகக்கோப்பையை வென்றுள்ளன.

தொடர்புடைய செய்திகள்

கிரிக்கெட்டில் சாதிக்க தாய்மை தடையல்ல: நேஹா தன்வர்

ஆஸ்திரேலியாவின் பழங்குடியினப் பெண்கள் கிரிக்கெட் அணி இந்தியாவில் சுற்றுப்பயணம்

வாழ்நாள் சாதனையாளர் விருது பெறும் சாந்தா ரங்கசாமி புதிய யோசனை

'இந்திய மகளிர் கிரிக்கெட் அணியின் அடுத்த இலக்கு உலகக்கோப்பை'

பிற செய்திகள்

வட கொரியா புதிய ஏவுகணை எஞ்ஜின் சோதனை

அமெரிக்காவின் மாபெரும் குண்டு அழிவை ஏற்படுத்தியதா தீவிரவாதிகளுக்கு?

திரைப்பட விமர்சனம்: அன்பானவன், அசராதவன், அடங்காதவன்

கத்தார் மீது தடையை விலக்க வளைகுடா நாடுகள் நிபந்தனை

அமெரிக்க - சீன பேச்சுவார்த்தைகளை ஓரங்கட்டிய வட கொரிய ராக்கெட் சோதனை

சமூக ஊடகங்களில் பிபிசி தமிழ் :

ஃபேஸ்புக்கில் படித்து கருத்துகள் தெரிவிக்க : பிபிசி தமிழ் முகநூல்

டிவிட்டரில் பிபிசி தமிழை பின்தொடர : பிபிசி தமிழ் ட்விட்டர்

இன்ஸ்டாகிராமில் விருப்பம் தெரிவிக்க : பிபிசி தமிழ் இன்ஸ்டாகிராம்

யு டியூப் பக்கத்தில் காணொளிகளை காண : பிபிசி தமிழ் யு டியூப்

தொடர்புடைய தலைப்புகள்