اٹلی میں شدید زلزلے سے متعدد عمارتیں تباہ

تصویر کے کاپی رائٹ @MONKSOFNORCIA
Image caption اتوار کے روز آئے اس زلزلے کی ریکٹر سکیل پر شدت 6.6 بتائی گئی ہے جو کہ اگست میں آنے والے زلزلے سے زیادہ تیز ہے

اٹلی کے وسطی شہر نورسیہ کے قریب زلزلے کے شدید جھٹکے محسوس کیے گئے ہیں جس میں متعدد عمارتوں کے تباہ ہونے اور کم ازکم نو افراد زخمی ہوئے ہیں۔

یاد رہے کہ تقریباً دو ماہ قبل بھی اٹلی میں زلزلے کے نتیجے میں کئی قصبے تباہ اور 300 سے زیادہ افراد ہلاک ہوگئے تھے۔

اتوار کے روز آئے اس زلزلے کی ریکٹر سکیل پر شدت 6.6 بتائی گئی ہے جو کہ اگست میں آنے والے زلزلے سے زیادہ ہے۔

ابھی تک اس زلزلے کی وجہ سے اب تک نو افراد کے زخمی ہونے کی اطلاع موصول ہوئی ہے۔

تصویر کے کاپی رائٹ @FRANC_PETRUCCI
Image caption نورسیہ کی شاہرائیں بھی زلزلے سے متاثر ہوئی ہیں

مقامی میڈیا کے مطابق زلزلے سے مہندم ہونے والی عمارتوں سے نو افراد کو زخمی حالت میں باہر نکالا گیا ہے۔

زلزلے کے جھٹکے دارالحکومت روم اور وینس میں بھی محسوس کیے گئے ہیں۔ بتایا گیا ہے کہ زلزلے کی گہرائی ایک اعشاریہ پانچ کلومیٹر تھی۔

تصویر کے کاپی رائٹ AP
Image caption زلزلے کے باعث مقامی افراد اپنے گھروں سے باہر نکل آئے

امریکی جیولوجیکل سروے کے مطابق اس زلزلے کا مرکز صوبہ پیروگیا کے وسط سے تقریباً 68 کلومیٹر جنوب مشرق میں نورسیہ کے قصبے کے پاس تھا۔

یہ زلزلہ مقامی وقت کے مطابق صبح پونے آٹھ بجے کے قریب آیا۔

حالیہ زلزلے کو گذشتہ دہائیوں میں ملک میں آنے والا سخت ترین زلزلہ قرار دیا جا رہا ہے۔

اسی بارے میں