انسٹاگرام پر کس کی تصویر سب سے زیادہ پسند کی گئی؟

تصویر کے کاپی رائٹ Getty Images

گلوکارہ بیونسے کی حمل کی تصاویر انسٹاگرام پر سب سے زیادہ پسند کی جانے والی تصاویر ہو گئی ہیں اور ان تصاویر نے 2016 کا ریکارڈ محض 11 گھنٹوں میں توڑا ہے۔

بہت کم لوگ ہیں جو بیونسے کے اس ریکارڈ کا مقابلہ کر سکتے ہیں لیکن وہ واحد شخصیت نہیں ہیں جن کی تصویر کو لاکھوں افراد نے پسند کیا۔

سلینا گومیز اور جینر سسٹرز کو انسٹاگرام پر مشہوری حاصل کرنے کے طریقے معلوم ہیں۔

مندرجہ ذیل وہ تصاویر ہیں جن کو لاکھوں افراد نے انسٹاگرام پر پسند کیا۔

سلینا گومیز

تصویر کے کاپی رائٹ Instagram

بیونسے نے انسٹاگرام پر سب سے زیادہ پسند کی جانے والی تصویر کا اعزاز اپنے نام کیا لیکن ان سے قبل 24 سالہ گلوکارہ کو یہ اعزاز حاصل تھا۔

سلینا کی اس تصویر کو 63 لاکھ 30 ہزار افراد نے پسند لیا۔

کینڈل جینر

تصویر کے کاپی رائٹ Instagram

کینڈل نے کم کارّیشیئن اور کانیے ویسٹ کی شادی کی تصویر کو پیچھے چھوڑا۔ 2016 کی اس تصویر میں کینڈل زمین پر لیٹی ہیں اور ان کی اس تصویر کو 36 لاکھ 50 ہزار نے پسند کیا۔

ٹیلر سوئفٹ

تصویر کے کاپی رائٹ Instagram

ٹیلر کی یہ دو تصاویر انسٹاگرام کی بہترین 10 تصاویر میں شامل ہیں۔

اس تصویر میں ٹیلر اس گلدستے کے ہمراہ کھڑی ہیں جو کانیے ویسٹ نے ان کو بھیجا۔ کانیے یہ گلدستہ معذرت کے طور پر بھیجا تھا کیونکہ انھوں نے 2009 کے ایم ٹی وی ایوارڈز میں بہترین خاتون ویڈیو ایوارڈ حاصل کرنے پر ٹیلر کو تقریر کے دوران ٹوکا تھا۔

تصویر کے کاپی رائٹ Instagram

ٹیلر کی ایک اور تصویر جس میں وہ بلی کے ہمراہ ہیں کو 25 لاکھ افراد نے پسند کیا تھا۔

کم کارڈیشیئن

تصویر کے کاپی رائٹ Instagram

2014 میں جب کم اور کانیے کی شادی ہوئی تو کم نے اپنی تصویر انسٹاگرام پر ڈالر۔ اس تصویر کو 24 لاکھ 90 ہزار افراد نے پسند کیا۔

بیونسے

تصویر کے کاپی رائٹ Instagram

اگرچہ بیوسنے کو اس وقت انسٹاگرام پر سب سے زیادہ پسند کیے جانے والی تصویر کا اعزاز حاصل ہے لیکن 2015 میں وہ انسٹاگرام پر اس وقت سامنے آئیں جب انھوں نے اپنی 11 سالہ بیٹی بلیو آئیوی کے ہمراہ تصویر لگائی۔ اس تصویر کو 24 لاکھ 70 ہزار لوگوں نے پسند لیا۔

سلینا گومیز

تصویر کے کاپی رائٹ Instagram

سب سے زیادہ پسند کی جانے والی تصاویر میں سلینا ایک بار پھر اپنی پنسدیدہ سویٹر پہنے شامل ہوئی ہیں اور اس تصویر کو 24 لاکھ 10 ہزار افراد نے پسند لیا۔

کائلی جینر

تصویر کے کاپی رائٹ Instagram

اپنی بہن کینڈل سے کچھ پیچے ہیں کائلی جینر اپنی سکول کی گریجوئیشن کی تصویر کے ساتھ۔ اس تصویر کو 23 لاکھ 70 ہزار افراد نے پسند کیا۔

ٹیلر سوئفٹ

تصویر کے کاپی رائٹ Instagram

ٹیلر کی بلی کے ساتھ تصویر جس کو 23 لاکھ 80 ہزار افراد نے پسند کیا۔ ٹیلر انسٹاگرام پر نو کروڑ 60 لاکھ فولوورز کے ساتھ دوسرے نمبر پر ہیں جبکہ پہلے نمبر پر سلینا گومیز ہیں جن کے 10 کروڑ 80 لاکھ فولوورز ہیں۔

متعلقہ عنوانات

اسی بارے میں