’نشے میں ڈرائیونگ کی تو سزا کے طور پر جسٹن بیئبر کا ڈانس دیکھنا پڑے گا‘

جسٹن تصویر کے کاپی رائٹ Getty Images
Image caption جسٹن بیئبر کا یہ اشتہار سپر باؤل میچ کے دوران نشر ہوا تھا

امریکی ریاست مینیسوٹا میں پولیس نے شراب پی کر ڈرائیونگ کرنے والوں کو خبردار کیا ہے کہ اگر وہ نشے کی حالت میں ڈرائیونگ سیٹ پر بیٹھے تو انھیں سزا کے طور پر جسٹن بیئبر کا ڈانس دکھایا جائے گا۔

ریاست مینیسوٹا کے شہر وائیومنگ میں پولیس نے اتوار کو ٹویٹ کیا کہ شراب پی کر گاڑی چلانے والوں کو ’جیل تک بیئبر کا سپر باؤل اشتہار دیکھنا پڑے گا۔‘

خیال رہے کہ ایک موبائل فون کے اشتہار میں ٹیکسیڈو سوٹ میں ملبوس پاپ سٹار جسٹن بیئبر کو ڈانس کرتے دکھایا گیا تھا۔

تاہم اتوار کی شب نشے کی حالت میں ڈرائیونگ پر کوئی بھی گرفتاری نہ ہوئی۔

جسٹن بیئبر کا یہ اشتہار سپر باؤل میچ کے دوران نشر ہوا تھا۔

اس ٹویٹ پر ٹوئٹر صارفین نے بھی اپنے ردعمل کا اظہار طنز و مزاح میں کیا اور یہ ٹویٹ دس ہزار سے زائد بار ری ٹویٹ کیا گیا۔

تصویر کے کاپی رائٹ Twitter

وائیومنگ پولیس کے سربراپ پاؤل ہوپ نے پانیئر پریس کو بتایا کہ اس ٹویٹ کی وجہ سے سپر باؤل کے دوران شراب نوشی سے متعلق عوامی آگہی کا پیغام پھیلانے میں مدد ملی۔

پاؤل ہوپ کا کہنا تھا کہ ’اس کی وجہ سے لوگ واقعی رک گئے اور انھوں نے یہ پیغام پڑھا۔‘

سپرباؤل میچ میں نیو انگلینڈ پیٹریاٹس نے 28-34 کے سکور سے تاریخی کامیابی حاصل کی جس کے بعد ویئومنگ پولیس نے ایک اور مزاحیہ پیغام جاری کیا کہ کس طرح بہت سے امریکی ’پیٹریاٹس‘ سے نفرت کرنا پسند کرتے ہیں۔

تصویر کے کاپی رائٹ Twitter

متعلقہ عنوانات

اسی بارے میں