جو لانگ ہرسٹ کینیڈا کا ایوارڈ جیت گئیں

آخری وقت اشاعت:  جمعـء 2 نومبر 2012 ,‭ 15:41 GMT 20:41 PST

انہوں نے اپنا انعام انٹاریو میں آرٹ گیلری میں اپنا انعام وصول کیا

برطانوی شہری جو لانگ ہرسٹ نے کینیڈا کا بین الاقوامی جدید فوٹوگرافی کا گرینج انعام جیت لیا ہے۔

برطانوی شہر ایسیکس سے تعلق رکھنے والی جو لانگ ہرسٹ کے مقابلے میں تین دیگر افراد بھی تھے۔ جو نے ان کو شکست دے کر پچاس ہزار ڈالر کا انعام جیتا۔

اس مقابلے کے فاتح کا تعین عوامی ووٹوں سے کیا جاتا ہے۔ انہوں نے اپنا انعام انٹاریو میں آرٹ گیلری میں اپنا انعام وصول کیا۔

جو رائل کالج آف آرٹس کے گریجوئیٹ ہیں اور ان کو یہ انعام ان کی دو تصاویر پر دیا گیا ہے جن کے نام ادر سپیسز اور دی ریفیوزل ہیں۔

ادر سپیسز تصویر ایلیٹ جمناسٹس کی ہے جبکہ دوسری تصویر نمائشی کتوں کی ہے۔

جو لانگ ہرسٹ کی تصویروں کی نمائش برطانیہ اور یورپ میں ہوتی رہی ہیں۔

جو لانگ ہرسٹ کے مدِمقابل برطانیہ ہی کے جیسن ایونز، مونٹریال کی ایمینوئل لیونارڈ اور ٹورونٹو کی اینی میکڈونل تھیں۔

ان تینوں کو پانچ پانچ ہزار ڈالر کا انعام دیا گیا۔

اس انعام کے فاتح کے لیے آن لائن ووٹنگ کا آغاز دس ہفتے قبل کیا گیا۔ اس کے علاوہ لوگ لندن میں کینیڈا ہاؤس اور انٹاریو میں آرٹ گیلری جا کر بھی ووٹ کر سکتے تھے۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔