بالی وڈ راؤنڈ اپ

اپ کی ڈیوائس پر پلے بیک سپورٹ دستیاب نہیں

شاہ رخ ہسپتال سے رخصت

Image caption شاہ رخ کی نئ فلم چنئی اکسپریس میں انھیں چوٹ آئی تھی

بالی وڈ کے معروف اداکار شاہ رخ خان دائیں کاندھے پر لگی چوٹ کی سرجری کروانے کے بعد جمعہ کو ہسپتال سے گھر آگئے ہیں۔

شاہ رخ خان کو ان کی فلم ’چنئی ایکسپریس‘ کی شوٹنگ کے دوران ایک منظر کی عکس بندی کراتے ہوئے چوٹ لگی تھی۔

ہسپتال سے لوٹنے پر شاہ رخ خان نے اپنے مداحوں کا شکریہ ادا کرتے ہوئے کہا ’میں اب پہلے سے بہتر ہوں لیکن اس چوٹ سے پوری طرح صحت یابی کے لیے چھ ہفتے لگیں گے۔‘

ڈاکٹروں نے انھیں چھ ہفتے آرام کا مشورہ دیا ہے۔ شاہ رخ کا علاج ممبئی کے ایک ہسپتال میں ہو رہا تھا۔

ہدایتکار ریتوپرنو کا انتقال

Image caption ریتوپرنو کو اپنے ہم جنس پرست ہونے کا شدید احساس تھا

بالی وڈ میں انوکھے کاموں سے شہرت حاصل کرنے والے معروف ہدایت کار ریتوپرنو گھوش جمعہ کو حرکت قلب بند ہونے سے انتقال کر گئے۔ اُن کی موت ان کے گھر پر ہی ہوئی۔

49سال کے ریتوپرنو کو اپنے مختصر لیکن بامعنی فلمی کیریئر میں 12 قومی ایوراڈ سے نوازا گیا۔ ان کی فلمیں ’چوکھیر بالی‘ اور ’رین کوٹ‘ نے دنیا بھر کے فلمی میلوں میں بہت سراہا گیا۔

ریتو دا کے نام سے پُکارے جانے والے معروف فلم ساز نے اپنی فلموں میں ہم جنسیت کی بات کی اور اس مسئلے کو بخوبی سینما کے پردے پر پیش بھی کیا۔

اپنی فلم ’میوریز ان مارچ‘ میں انھوں اداکاری بھی کی ہے اور ایک گے یعنی ہم جنس پرست کا کردار نبھایا ہے۔

اپنے زمانے کی معروف فلم اداکارہ دیپتی نول نے کہا ’میں بہت خوش نصیب ہوں کہ میں نے ان کے ساتھ کام کیا۔ ریتو بہت خوش مزاج تھے اور اپنی جنسیت پر کھل کر بات کرتے تھے۔‘

پرینکا کا ملکہ پر غصہ

Image caption ملیکا کے مطابق بھارت خواتین کے لیے پسماندہ ملک ہے

کانز فلم فیسٹول کے دوران ایک انٹرویو میں ملیکہ شیراوت نے ہندوستان کو ایک ذہنی اعتبار سے ایک ’پسماندہ ملک‘ کہا تھا۔

ان کا یہ بیان انھی کی ساتھی اداکارہ پریانکا کو ہضم نہ ہو سکا۔

ملیکا شیراوت نے میڈیا کی توجہ اپنی جانب یہ کہہ کر مبذول کرائی کہ بھارت میں خواتین کو سب سے نچلے درجے پر رکھا جاتا ہے۔

انھوں نے کہا کہ جب وہ امریکہ میں اپنا وقت گزارتی ہیں تو انہیں آزادی کا احساس ہوتا ہے جبکہ بھارت واپسی پر انہیں خواتین پر عائد پابندیوں کو دیکھ کر کافی افسوس ہوتا ہے۔

ان کے بیان پر اداکارہ پریانکا چوپڑہ نے کہا کہ ملکہ شیراوت کو ایسا نہیں کہنا چاہیے تھا۔ بھارت ترقی کی راہ پر گامزن ہے اور خواتین کے لیے بھی بہتر مواقع ہیں۔

اسی بارے میں