Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

خلاصہ

  1. پاکستان اور انڈیا نویں بار ایک روزہ میچوں کے کسی ٹورنامنٹ کے فائنل میں مدِمقابل تھے
  2. آئی سی سی کے زیرِ اہتمام 50 اووروں کے کسی ٹورنامنٹ کے فائنل میں یہ ٹیمیں پہلی بار آمنے سامنے آئیں
  3. پاکستان پہلی بار چیمپیئنز ٹرافی کے فائنل تک پہنچا اور فتح یاب ہوا جبکہ انڈیا اپنے اعزاز کے دفاع میں ناکام رہا
  4. دونوں ملکوں کے درمیان اب تک مجموعی طور پر 128 میچ کھیلے جا چکے ہیں جن میں سے 72 پاکستان نے جیتے، 52 میں انڈیا فاتح رہا، جب کہ چار بےنتیجہ ثابت ہوئے۔
  5. دونوں ٹیموں کے مابین اب تک کھیلے جانے والے ایک روزہ میچوں کے آٹھ فائنلز میں چھ پاکستان نے جب کہ دو انڈیا نے جیتے ہیں

لائیو رپورٹنگ

time_stated_uk

لائیو صفحہ اب مزید اپ ڈیٹ نہیں کیا جا رہا

چیمپیئنز ٹرافی کے فائنل پر بی بی سی اردو کا یہ لائیو صفحہ اب مزید اپ ڈیٹ نہیں کیا جا رہا

میچ کی تفصیلی رپورٹ کے لیے یہاں کلک کریں

بریکنگپاکستان نے ہمیں تمام شعبوں میں آؤٹ کلاس کر دیا

شکست کے بعد انڈیا کے کپتان وراٹ کوہلی نے کہا ہے کہ ’میں پاکستانی ٹیم اور ان کے مداحوں کو مبارکباد دینا چاہتا ہوں۔ انھوں نے آج پھر ثابت کیا کہ جو دن ان کا ہے اس دن وہ کسی کو بھی ہرا سکتے ہیں۔ میں مایوس ضرور ہوں لیکن پاکستان نے آج ہمیں تمام شعبوں میں آؤٹ کلاس کر دیا۔ ہمیں اپنی غلطیوں سے سیکھ کر آگے بڑھنا ہوگا۔‘

وزیراعظم کا پیغام، شاباش پاکستان کرکٹ ٹیم!

Prime Minister's message from The Holy Land, for Pakistan cricket team on the glorious victory. #PAKvIND… twitter.com/i/web/status/8…

بریکنگحسن علی مین آف دی ٹورنامنٹ قرار پائے

  • حسن علی کو ٹورنامنٹ میں ان کی شاندار کارکردگی پر ٹورنامنٹ کا بہترین کھلاڑی بھی قرار دیا گیا ہے

بریکنگحسن علی کے لیے گولڈن بال

حسن علی نے فائنل میں بھی اپنی عمدہ کارکردگی کا سلسلہ جاری رکھا اور ایک بار پھر تین وکٹیں حاصل کیں۔ اس طرح اس ٹورنامنٹ میں ان کی وکٹوں کی مجموعی تعداد 13 ہو گئی جس پر انھیں ٹورنامنٹ کے بہترین بولر کا اعزاز دیا گیا ہے۔

بریکنگشیکھر دھون کے لیے گولڈن بیٹ

  • انڈیا کے شیکھر دھون نے ٹورنامنٹ میں ایک سینچری اور دو نصف سنچریوں کی مدد سے سب سے زیادہ رنز بنائے اور چیمپیئنز ٹرافی کے بہترین بلے باز قرار پائے

بریکنگفخر زمان مین آف دی میچ

فخر زمان
PA
  • اس ٹورنامنٹ میں پاکستان کے ٹاپ سکورر اور فائنل میں اپنے کریئر کی پہلی سنچری بنانے والے نوجوان اوپنر فخر زمان کو فائنل میچ کا بہترین کھلاڑی قرار دیا گیا ہے۔ فخر کی 106 گیندوں پر 114 رنز کی اننگز 12 چوکوں اور تین چھکوں سے مزین تھی

بریکنگ2009 کے بعد پہلا عالمی اعزاز

  • 2009 میں ورلڈ ٹی 20 مقابلوں میں فتح کے بعد یہ پاکستان کی پہلی عالمی ٹرافی ہے۔

بریکنگپاکستانی بولروں کی شاندار کارکردگی

  • پاکستان کی طرف سے محمد عامر نے یادگار بولنگ کرتے ہوئے چھ اووروں میں صرف 16 رنز دے کر ٹاپ آرڈر کی تین وکٹیں حاصل کیں۔
  • ان کے علاوہ حسن علی نے بھی اپنی عمدہ کارکردگی کا سلسلہ جاری رکھتے ہوئے ایک بار پھر تین وکٹیں حاصل کیں۔ اس طرح اس ٹورنامنٹ میں ان کی وکٹوں کی مجموعی تعداد 13 ہو گئی۔
  • ان کے علاوہ شاداب خان نے بھی اچھی بولنگ کرتے ہوئے دو وکٹیں لیں، تاہم وہ مہنگے ثابت ہوئے۔
  • ایک وکٹ جنید خان نے لی جب کہ انڈیا کی طرف سے پانڈیا رن آؤٹ ہوئے۔

پاکستانی کھلاڑی
Getty Images

زبردست بالنگ اور بیٹنگ

158-10 #EnoughSaid Congratulations #TeamPakistan fantastic batting & bowling 🙌🏼🙌🏼 🇵🇰🇵🇰🇵🇰 #ShowedNoMercy #PAKvIND #Champions 💪💪👏👏

پاکستان جیت کا حقدار تھا

Congratulations Pakistan played superbly deserved to win. Enjoy the celebrations. #indvspakfinal #ChampionsTrophy17 #champions

آئی سی سی کے کسی بھی ٹورنامنٹ کے فائنل میں سب سے بڑی فتح

What a team! Pakistan pull off the biggest win in an ICC tournament final, beating India by 180 runs… twitter.com/i/web/status/8…

ہاں، پاکستان تم ہمیں ہرا چکے ہو، بہت مبارک ہو!

Yes Pakistan, you have defeated us. Well played, outplayed us in all departments. Many congratulations, I concede. Best wishes!

بریکنگپاکستان نے پہلی مرتبہ آئی سی سی چیمپیئنز ٹرافی جیت لی

  • پاکستان نے لندن میں اوول کے میدان میں انڈیا کو 180 رنز سے شکست دے کر پہلی مرتبہ آئی سی سی چیمپیئنز ٹرافی جیت لی ہے۔
  • پاکستان نے پہلے کھیلتے ہوئے فخر زمان کی سنچری اور آخری اوور میں حفیظ کی جارحانہ بلے بازی کی بدولت 338 رنز بنائے
  • 339 رنز کے ہدف کے تعاقب میں دنیا کی بہترین بیٹنگ لائن اپ کی مالک انڈیا کی ٹیم پاکستانی بولرز کی تباہ کن بولنگ کا مقابلہ نہ کر سکی اور اوورز میں 158 رن بنا کر آؤٹ ہو گئی
حسن علی
AFP

انڈیا: 9-158

انڈین اننگز کے 30 اوور مکمل ہو چکے ہیں اور 158 رنز کے مجموعے تک پہنچنے کی کوشش میں دنیا کا بہترین بیٹنگ لائن اپ رکھنے والی ٹیم نو وکٹیں کھو چکی ہے۔

بریکنگپاکستان کی نویں کامیابی، حسن علی کی دوسری وکٹ

حسن علی نے ایشون کو سرفراز کے ہاتھوں کیچ کروا کے پاکستان کو فائنل میں فتح سے ایک وکٹ کی دوری پر لا کھڑا کیا ہے۔ یہ اس ٹورنامنٹ میں ان کی 12ویں وکٹ تھی۔

حسن علی
Getty Images

جنید خان نے پاکستان کو آٹھویں وکٹ دلوا دی

ساتویں وکٹ گرتے ہی پاکستانی کپتان نے جنید خان کو واپس بلایا جنھوں نے جدیجا کو سلپ میں کیچ کروا کے پاکستان کو آٹھویں وکٹ دلوا دی ہے

جنید خان
Getty Images

بریکنگپانڈیا رن آؤٹ، پاکستان کی ساتویں کامیابی

پانڈیا نے صرف 43 گیندوں پر دھواں دھار اننگز کھیلتے ہوئے 76 رنز بنائے جن میں چار چوکے اور چھ بلند و بالا چھکے شامل تھے۔

پانڈیا ایک تیز رن بناتے ہوئے اپنے ساتھی بلےباز جڈیجا کے ساتھ غلط فہمی کے نتیجے میں آؤٹ ہوئے۔

پانڈیا
Getty Images

پانڈیا کے مزید دو چھکے

انڈیا: 6-152

پانڈیا فخر زمان کو اپنی اننگز کا پانچواں اور چھٹا چھکا لگا کر انڈین تماشائیوں کے چہروں سے روٹھی مسکراہٹ واپس لے آئے ہیں۔

پانڈیا اور جدیجا کی عمدہ شراکت

ہاردک پانڈیا اور رویندر جدیجہ کے درمیان ساتویں وکٹ کے لیے 60 رنز سے زیادہ کی شراکت ہو چکی ہے جس میں سے بیشتر رنز پانڈیا نے ہی بنائے ہیں۔

بریکنگانڈیا: 6-137

ہاردک پانڈیا 63، رویندر جدیجا 10

  • انڈیا کی اننگز اپنے نصف پر پہنچ چکی ہے۔ ابتدائی بلے بازوں کی ناکامی کے بعد ہاردک پانڈیا کی جارحانہ اننگز نے سٹیڈیم میں موجود انڈین تماشائیوں کو خوش ہونے کے کچھ مواقع فراہم کیے ہیں۔ پانڈیا اب تک 4 چھکوں اور چار چوکوں کی مدد سے 63 رنز بنا چکے ہیں۔

بریکنگمیچ کا سب سے مہنگا اوور

ہاردک پانڈیا 59، رویندر جدیجا 6

فائنل کا اب تک کا سب سے مہنگا اوور شاداب خان نے کروایا ہے۔ انھیں اننگز کے 23ویں اوو میں تین چھکے اور ایک چوکا لگا اور انھوں نے 23 رنز دیے۔

بریکنگپانڈیا کے لگاتار تین چھکے

ہاردک پانڈیا نے شاداب خان کو تین گیندوں پر لگاتار چھکے لگا کر نصف سنچری مکمل کر لی ہے۔

ہاردک پانڈیا
Getty Images

بریکنگمطوبہ رن ریٹ آٹھ سے اوپر

انڈیا: 6-104

22 اوور کا کھیل مکمل ہو چکا ہے اور انڈیا نے چھ وکٹوں کے نقصان پر 104 رنز بنائے ہیں لیکن 339 رنز کے ہدف کے تعاقب میں مطلوبہ رن ریٹ ہر اوور بعد اوپر سے اوپر ہی جاتا جا رہا ہے

انڈیا کے سو رنز مکمل

ہاردک پانڈیا 33، رویندر جدیجا 5

انڈین اننگز کے 100 رنز 21ویں اوور میں مکمل ہوئے ہیں اور بلے بازوں کی ناکامی کے بعد اب انڈیا کو بیٹنگ کے لیے بھی بولرز پر انحصار کرنا پڑ رہا ہے

پاکستان میں تماشائی خوشی سے بےقابو

تماشائی
BBC

مگر انڈیا نے آج بہت مایوس کیا

Batting first in big games, the age old theory coming true once again. But very disappointing from India today. #INDvPAK

بریکنگرن آؤٹ کی اپیل پر ریویو

پانڈیا کے خلاف رن آؤٹ کی اپیل پر امپائر نے تھرڈ امپائر سے رجوع کیا لیکن گیند وکٹوں پر لگنے سے قبل پانڈیا کریز میں پہنچ چکے تھے

پانڈیا کا چھکا

گیند سے اچھی کارکردگی دکھانے کے بعد اب ہاردک پانڈیا بلے کے جوہر دکھا رہے ہیں اور انھوں نے انڈین اننگز کا پہلا چھکا شاداب خان کو لگایا ہے

انڈیا: 6-80

ہاردک پانڈیا 17، رویندر جدیجا 0

انڈین اننگز کے 18 اوورز مکمل ہو چکے ہیں اور سکور 80 رنز تک پہنچ گیا ہے تاہم انڈیا کے لیے فکر کی بات وہ چھ وکٹیں ہیں جو گر چکی ہیں۔

بریکنگشاداب کی دوسری وکٹ، انڈیا کو چھٹا نقصان

شاداب خان نے اپنے تیسرے اوور میں کیدار جادھو کو سرفراز احمد کے ہاتھوں کیچ کروا کے انڈیا کی بڑھتی ہوئی مشکلات میں مزید اضافہ کر دیا ہے۔ یہ شاداب کی اننگز میں دوسری وکٹ ہے۔

انڈیا: 5-67

کیدار جادھو 5، ہاردک پانڈیا 4

کیدار جادھو کے چوکے کی بدولت انڈیا نے 16 اوورز کے اختتام پر 67 رنز بنا لیے ہیں۔ پر اوور کے ساتھ انڈیا کو درکار رن ریٹ اوپر جاتا جا رہا ہے اور ساتھ ہی انڈین شائقین کی امیدوں کی لو بھی مدھم پڑنے لگی ہے

’ہمیں سبق سکھا دیا‘

ایک انڈین مداح کا اعتراف

ہم نے ان کی انگریزی کا اتنا مذاق اڑایا، انھوں نے ہمیں سبق سکھا دیا۔

We made so much fun of their English. And we ended up getting schooled by them #INDvPAK

بریکنگوہ جسے ہاتھ لگائے سونا بنا دے

The man with the midas touch. 💪

#PAKvIND #CT17

The man with the midas touch. 💪 #PAKvIND #CT17

بریکنگابتدائی پاور پلے مکمل، انڈیا: 5-62

کیدار جادھو 5، ہاردک پانڈیا 2

انڈین اننگز کے ابتدائی 15 اوورز میں پاکستان پانچ اہم وکٹیں لینے میں کامیاب رہا جبکہ انڈین بلے باز صرف 62 رنز ہی بنا سکے ہیں۔ انڈیا کا رن ریٹ اس وقت چار رنز فی اوور کے لگ بھگ ہے جبکہ اسے فتح کے لیے بقیہ اوورز میں تقریباً آٹھ رنز کی اوسط سے رنز بنانے ہوں گے

بریکنگدھونی بھی آؤٹ، انڈیا کو پانچواں نقصان

اکثر و بیشتر انڈیا کی بیٹنگ کی ڈوبتی نیا کو سنبھالنے والے دھونی بھی چلتے بنے۔ انھیں اس ٹورنامنٹ کے ان فارم بولر حسن علی نے عماد وسیم کے ہاتھوں کیچ کروایا۔ دھونی 16 گیندوں پر صرف چار رنز بنا سکے۔

یہ اس ٹورنامنٹ میں حسن علی کی 11ویں وکٹ ہے۔

حسن علی
Getty Images

بریکنگپاکستان کی چوتھی کامیابی، یوراج پویلین میں واپس

شاداب خان نے یووراج کو ریویو پر ایل بی ڈبلیو آؤٹ کر دیا۔ یووراج نے 31 گیندوں پر 22 رنز بنائے تھے

شاداب خان
Getty Images