الطاف حسین یونیورسٹیوں کے نام تبدیل کرنے کی منظوری

الطاف حسین یونیورسٹی تصویر کے کاپی رائٹ mqm.org

سندھ کی کابینہ نے پیر کے روز ایک مسودۂ قانون منظور کیا ہے جس کے تحت کراچی اور حیدر آباد میں واقع الطاف حسین یونیورسٹیوں کے نام تبدیل کر دیے جائیں گے۔

صوبائی وزیرِ اعلیٰ مراد علی شاہ کی سربراہی میں ہونے والے کابینہ کے اجلاس میں ان یونیورسٹیوں کے نام فاطمہ جناح یونیورسٹی رکھے جائیں گے۔

کراچی میں واقع یونیورسٹی کا نام عبدالستار ایدھی یونیورسٹی اور حیدر آباد کی یونیورسٹی کا نام فاطمہ جناح یونیورسٹی رکھنے کا فیصلہ کیا گیا ہے۔

متحدہ قومی موومنٹ (پاکستان) نے سندھ کابینہ کی منظوری کے بعد کراچی اور حیدرآباد میں ایم کیو ایم کے بانی کے نام پر قائم کی جانے والی الطاف حسین یونیورسٹی کا نام تبدیل کرنے کے بل کی حمایت کی۔

بعدازاں نثار کھوڑو نے کہا کہ کراچی میں بنائی جانے والی یونیورسٹی کا نام 'عبد الستار ایدھی' کے نام پر رکھا جائے گا۔

واضح رہے کہ دسمبر 2014 میں سندھ اسمبلی نے کراچی اور حیدر آباد میں متحدہ قومی موومنٹ (ایم کیو ایم ) کے بانی الطاف حسین کے نام سے ایک، ایک یونیورسٹی کے قیام کے بل کی منظوری دی تھی۔

متحدہ قومی موومنٹ کی ویب سائٹ پر شائع کیے گئے ایک بیان میں رابطہ کمیٹی کے کنوینر ندیم نصرت نے حکومت سندھ کی جانب سے کراچی اورحیدرآباد میں الطاف حسین یونیورسٹی کا نام تبدیل کرنے کی مذمت کی ہے۔

متعلقہ عنوانات

اسی بارے میں