1947 کے اخبار: آزادی کے دن، سرخیوں میں فاقے

دی ایسٹرن ٹائمز تصویر کے کاپی رائٹ British Library
Image caption سندھ میں

(پندرہ اگست تک آپ ہر روز تین اخبارات ڈان، دی ہندوستان ٹائمز اور ایسٹرن ٹائمز میں 70 برس پہلے شائع ہونے والےخبروں کا خلاصہ یہاں پڑھ سکیں گے)

دی ایسٹرن ٹائمز

صحرائی علاقوں میں بارش نہ ہونے کی وجہ سے سندھ میں تقریباً دو لاکھ افراد کو قحط کا سامنا ہے۔ اطلاعات کے مطابق سندھ کی حکومت متاثرین میں رعایتی نرخوں پر تقسیم کے لیے تین لاکھ ٹن خوراک روانہ کر رہی ہے۔

علاقے کی نہروں میں میں اضافی پانی بھی چھوڑا جا رہا ہے جس سے جانوروں کے لیے چارے کی پیداوار میں مدد ملے گی۔ اس کے علاوہ خوراک کے لیے امدادی فنڈ میں پچاس ہزار روپے رکھے جا رہے ہیں۔

مسلم لیگ کا پرچم

اقلیتوں کی نمائندگی کے لیے مسلم لیگ کے پرچم میں سفید پٹی کا اضافہ کیا جا رہا ہے۔ معلومات کے مطابق مسلم لیگ کی ہائی کمان نے پارٹی کے موجودہ پرچم کے نچلے حصے میں اقلیتوں کی نمائندگی کے لیے سفید پٹی بنانے کا فیصلہ کیا ہے۔

* ’تقسیم کے زخم کی چبھن 70 برس بعد بھی کم نہ ہو سکی‘

* ’جاتی عمرہ والوں کا دل شریف خاندان کے لیے دھڑکتا ہے‘

اے کے فضل حق

بنگال کے سابق وزیر اعلیٰ اے کے فضل حق نے کہا ہے کہ 'میں ان لوگوں کے لیے جان دینے میں ذرا نہیں ہچکچاؤں گا جنہیں میں نے ہمیشہ اپنا بھائی بہن سمجھا ہے۔' وہ ایک عوامی اجتماع سے خطاب کر رہے تھے۔

انھوں نے کہا کہ انہیں یہ سن کر دکھ پہنچا ہے کہ برسل سے ہندو اپنے گھر چھوڑ کر جا رہے ہیں۔ انھوں نے کہا کہ مقامی مسلمان رہنماؤں کو اقلیتوں کو تحفظ فراہم کرنا چاہیے۔

تصویر کے کاپی رائٹ British Library
Image caption امرتسر میں فرقہ وارنہ کشیدگی

ہندوستان ٹائمز

امرتسر میں فرقہ وارانہ صورتحال (دو اگست) کشیدہ رہی۔ تشدد کے سولہ واقعات پیش آئے جن میں چھ قتل، پانچ خنجر زنی کے واقعات اور چار بم دھماکے شامل ہیں۔ مقبول پورہ میں ایک نئے تعمیر شدہ گھر کو آگ لگا دی گئی۔ ایس پی ایل وی ڈین نے کہا کہ دیہاتی علاقوں میں وارداتیں تشویشناک حد تک بڑھ گئی ہیں۔

کلکتہ سے پنجابی پولیس کا انخلا

معتبر ذرائع سے معلوم ہوا ہے کہ کلکتہ میں تعینات مسلح پنجابی پولیس ڈھاکہ میں ایسٹرن رائفلز کی جگہ لے گی اور ایسٹرن رائفلز کو مغربی بنگال روانہ کیا جا رہا ہے۔ اس عمل کا آغاز 6 اگست سے ہوگا۔

متعلقہ عنوانات

اسی بارے میں