کوئٹہ: ڈپٹی ڈائریکٹر سروے آف پاکستان ہلاک

آخری وقت اشاعت:  بدھ 26 ستمبر 2012 ,‭ 06:58 GMT 11:58 PST

پاکستان کے صوبہ بلوچستان کے دارالحکومت کوئٹہ میں پولیس کا کہنا ہے کہ نامعلوم افراد کی فائرنگ سے سروے آف پاکستان کے ڈپٹی ڈائریکٹر ہلاک ہو گئے ہیں۔

پولیس نے سرکاری خبر رساں ایجنسی اے پی پی کو بتایا کہ کوئٹہ کی سریاب روڈ پر ڈپٹی ڈائریکٹر محسن رضا نقوی کو اس وقت نشانہ بنایا گیا جب وہ دفتر جا رہے تھے۔

پولیس کے مطابق نامعلوم افراد نے ڈپٹی ڈائریکٹر کی گاڑی پر اندھا دھند فائرنگ کی جس کے نتیجے میں وہ شدید زخمی ہو گئے۔ تاہم وہ ہسپتال پہنچنے سے پہلے ہی دم توڑ گئے۔

ڈی آئی جی انویسٹیگیشن حامد شکیل کا کہنا ہے ’نائن ایم ایم کے خول جائے وقاعہ سے ملے ہیں۔‘

اس واقعے کے بعد پولیس نے علاقے کو گھیرے میں لے لیا اور تحقیقات کا آغاز کردیا ہے۔

پولیس حکام نے فرانسیسی خبر رساں ایجنسی اے ایف پی کو بتایا کہ واقعے کی تحقیقات کی جا رہی ہیں لیکن یہ واقعہ فرقہ وارانہ کارروائی لگتی ہے۔

ایک اور پولیس افسر کے مطابق حملہ آور محسن رضا نقوی کے دفتر کے مرکزی گیٹ پر گھات لگائے بیٹھے تھے۔

واضح رہے کہ بلوچستان میں سرکاری افسران اور شیعہ مسلک سے تعلق رکھنے والے افراد کو ٹارگٹ کیا جا رہا ہے۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔