بم ناکارہ بناتے ہوئے دھماکہ، اہلکار ہلاک

آخری وقت اشاعت:  جمعـء 28 ستمبر 2012 ,‭ 07:18 GMT 12:18 PST

دھماکے کے بعد سکیورٹی اہلکاروں نے علاقے کو گھیرے میں لے لیا

پاکستان کے صوبہ خیبر پختونخوا کے دارالحکومت پشاور میں ایک دھماکے میں بم ڈسپوزل سکواڈ کا ایک اہلکار ہلاک ہوگیا ہے۔

پا کستان کے سرکاری ٹی وی کے مطابق یہ واقعہ جمعہ کو بڈھ بیر کے علاقے شیخان میں اس وقت پیش آیا جب ایک بم کی موجودگی کی اطلاع پر سکواڈ طلب کیا گیا۔

انسپکٹر حکم خان بم ناکارہ بنانے میں مصروف تھے کہ اچانک دھماکہ ہو گیا جس سے وہ شدید زخمی ہوگئے۔

پی ٹی وی کا کہنا ہے کہ انہیں پشاور کے لیڈی ریڈنگ ہسپتال منتقل کیا گیا جہاں وہ زخموں کی تاب نہ لاتے ہوئے چل بسے۔

اس واقعے میں بم ڈسپوزل سکواڈ کے تین اہلکار زخمی بھی ہوئے ہیں جنہیں مقامی ہسپتال منتقل کر دیا گیا ہے۔

دھماکے کے بعد سکیورٹی اہلکاروں نے علاقے کو گھیرے میں لے لیا اور تحقیقات شروع کر دی گئی ہیں۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔