پاکستانی شہری کو سائنس، ٹیکنالوجی کا انعام

آخری وقت اشاعت:  پير 15 اکتوبر 2012 ,‭ 13:58 GMT 18:58 PST
تصور حیات

پروفیسر تصور حیات نے شعبہ ریاضی میں کارہیہ نمایاں انجم دیے ہیں

دی اسلامک ایجوکیشنل، سائنٹیفک اینڈ کلچرل آرگنائزیشن ( آئی ایس ای ایس سی او) نے اس برس سائنس اور ٹیکنالوجی کا انعام پاکستانی پروفیسر تصور حیات کو دینے کا فیصلہ کیا ہے۔

پاکستان کے سرکاری خبر رساں ادارے ایسوسی ایٹڈ پریس آف پاکستان (اے پی پی) کے مطابق یہ انعام انہیں شعبہ ریاضی میں نمایاں خدمات انجام دینے کے لیے دیا جائیگا اور آئی ایس ای ایس سی او نے ان کے نام کو سائنس اور ٹیکنالوجی سے اعزاز یافتہ افراد کی اپنی فہرست میں شامل کر لیا ہے۔

تنظیم کا یہ انعام پانچ ہزار امریکی ڈالر اور ایک ایسی سند پر مشتمل ہوتا ہے جس پر اعزاز یافتہ افراد کے کارہائے نمایاں درج ہوتے ہیں۔

ڈاکٹر تصور حیات قائد اعظم یونیورسٹی میں ’پاکستان ہائر ایجوکیشن کیمشن‘ میں شعبہ ریاضی کے معروف پروفیسر ہیں۔

یونیورسٹی نے ان کی خدمات کو سرہاتے ہوئے کہا ہے کہ یہ انعام گزشتہ دس برس میں شعبہ تعلیم میں ان کی انتھک کوششوں اور خدمات کا ثمرہ ہے۔

یونیورسٹی کے بیان کے مطابق پروفیسر حیات نے اعلی تعلیم میں اصلاحات کا جو سلسلہ شروع کیا تھا اس سے پاکستان کے بہت سے سکالر مستفید ہوئے اور سائنس و ٹیکنا لوجی کے شعبہ میں دنیا کے کئی ممالک میں نمایاں کام انجام دیے ہیں۔

"پرفیسر حیات نے اعلی تعلیم میں اصلاحات کا جو سلسلہ شروع کیا تھا اس سے پاکستان کے بہت سے سکالر مستفید ہوئے اور سائنس و ٹیکنا لوجی کے شعبہ میں دنیا کے کئی ممالک میں نمایاں کام انجام دیے ہیں۔"

پاکستان ہائر ایجوکیشن کمیشن کی انتظامیہ نے انہیں اس کامیابی پر مبارکباد پیش کی ہے۔

اسلامی ممالک کے اعلی تعلیم اور سائنس و ٹیکنالوجی کے وزارء کی چھٹی میٹنگ بیس اور اکیس نومبر کے درمیان سوڈان کے دارالحکومت خرطوم میں ہوگی اور اس دوران ایک خصوصی تقریب میں مسٹر حیات کو اس اعزاز سے نوازہ جائیگا۔

سائنس، ٹیکنالوجی، سماجی اور اقتصادی شعبوں میں مسلم سکالرز کی حوصلہ افزائی اور نت نئی فکروں کو فروغ دینے کے لیے یہ تنظیم رکن ممالک کے کسی ہونہار مسلم ریسرچر کو اپنے شعبہ میں نمایاں کارکردگی کرنے پر ہر دو برس میں یہ اعزاز پیش کرتی ہے۔

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔