چین میں ہینڈ بیگز آن لائن کرائے پر دستیاب

چین تصویر کے کاپی رائٹ LAURENT FIEVET/AFP

چین کی سرکاری ویب سائٹ ای نارتھ کے مطابق آئن لائن صارفین اب موبائل فون ایپ وی چیٹ کا استعمال کرتے ہوئے لوئی ویتوں، گوچی، چینل اور ڈیور سمیت دیگر عالمی برانڈ کے ہینڈ بیگز کرائے پر لے سکتے ہیں۔

صارفین ان ہینڈ بیگز کے معیار اور اقسام کے مطابق 99 یان سے لے کر 1,878 یان تک ادا کر سکتے ہیں۔

توپ چاہیے یا تفنگ، علی بابا پر سب دستیاب!

علی بابا کے 'سنگلز ڈے'پر نو ارب ڈالر کی سیل

چینی کمپنی علی بابا کے حصص امریکہ میں فروخت ہوں گے

چینی کمپنی ڈو باؤباؤ نے صارفین سے کہا ہے کہ وہ ان بیگز کی مجموعی مارکیٹ قیمت پر 30 سے 50 فیصد اضافی قیمت جمع کروائیں۔

باؤباؤ کے بانی چینگ کائی وون نے جون میں سکیورٹیز ڈیلی کو بتایا تھا کہ ان کے کاروباری ماڈل 'اقتصادی اور ماحولیاتی' کے فوائد ہیں اور ایسی سروسز سے چینی صارفین کو جعلی اور حقیقی سامان کے درمیان تیزی سے سنبھالنے والی مارکیٹ میں فرق کرنے میں مدد مل سکتی ہے۔

امریکہ نے دسمبر سنہ 2016 میں چین کی معروف ای کامرس کمپنی علی بابا کو 'بدنام مارکیٹوں' کی فہرست میں شامل کیا تھا۔ حکام کا کہنا تھا اس کے پلیٹ فارم سے 'بڑے پیمانے' پر جعلی سامان فروخت کیا گیا۔

متعلقہ عنوانات