ممبئی گینگ ریپ: چار ملزمان مجرم قرار

تصویر کے کاپی رائٹ AFP
Image caption ممبئی کے شکتی مل کے پاس 22 اگست 2013 کو پانچ افراد نے ایک خاتون صحافی کو ریپ کیا تھا

بھارتی کے شہر ممبئی کی سیشن عدالت نے گذشتہ برس ایک خاتون صحافی کے گینگ ریپ کے معاملے میں چاروں ملزمان پر فردِ جرم عائد کر دی گئی ہے۔

چاروں افراد پر پانچ جرائم کا مرتکب قرار دیا گیا جن میں گینگ ریپ، غیر فطری جنسی عمل اور ثبوتوں کو مٹانا شامل ہے۔

عدالت مجرموں کو سزا جمعے کو سنائے گی۔ جمعرات کو عدالت میں فیصلے کے وقت مہاراشٹر کے وزیر داخلہ آر آر پاٹل بھی موجود تھے۔

ممبئی کے شکتی مل کے پاس 22 اگست 2013 کو پانچ افراد نے ایک خاتون صحافی کو ریپ کیا تھا۔ ان میں سے ایک ملزم کی عمر اٹھارہ سال سے کم ہے اس لیے ان کے خلاف نابالغوں کی عدالت میں مقدمہ چلایا جائے گا۔

ان چار مجرموں کو زیادہ سے زیادہ عمر قید کی سزا دی جا سکتی ہے۔

پولیس کے مطابق اجتماعی زیادتی کی شکار خاتون ممبئی میں ایک انگریزی رسالے کے ساتھ وابستہ ہیں اور وہ شکتی ملز نامی کارخانے میں اپنے ساتھی کے ساتھ شوٹ کرنے گئی تھیں۔ اس حملے کے دوران ان کے مرد ساتھی کو تشدد کا نشانہ بنایا گیا۔

اسی بارے میں