بیسویں آئینی ترمیمی بل آج پیش ہو گا

پاکستان کی قومی اسمبلی میں آج (پیر ) آئین میں بیسویں ترمیم کا بل منظوری کے لیے پیش کیا جائے گا۔

اس ترمیمی بل کا مقصد الیکشن کمیشن کے نامکمل ہونے کے دوران جو سینیٹ، قومی اسمبلی اور صوبائی اسمبلیوں کے اٹھائیس اراکین کے ضمنی انتخابات ہوئے ہیں انہیں سپریم کورٹ کے حکم کے مطابق قانون تحفظ فراہم کرنا ہے۔

سپریم کورٹ نے حکومت کو چھ فروری تک مہلت دے رکھی ہے کہ وہ نامکمل الیکشن کمیشن کے تحت منعقد ضمنی انتخابات کو قانونی تحفظ دیں ورنہ عدالت اس بارے میں حتمی فیصلہ کرے گی۔