سیف سے ملاقات کے بعد وکیل ’گرفتار‘

لیبیا میں سیف الاسلام قذافی سے ملاقات کرنے والے عالمی عدالتِ جرائم یا آئی سی سی کے چار رکنی وفد میں شامل ایک خاتون وکیل کو حراست میں لے لیا گیا ہے۔

اطلاعات کے مطابق آسٹریلوی خاتون وکیل میلنڈا ٹیلر نے زنتان نامی قصبے میں لیبیا کے سابق حکمران معمر قذافی کے بیٹے سے ملاقات کے بعد تحویل میں لیا گیا۔

ان پر جمعہ کو ملاقات کے دوران سیف قذافی کے لیے پیغام رسانی کرنے اور انہیں خفیہ طور پر دستاویزات مہیا کرنے کا الزام عائد کیا گیا ہے اور اسی سلسلے میں ملینڈا ٹیلر اور کم از کم ان کے ایک ساتھی سے تفتیش کی جا رہی ہے۔

جرائم کی عالمی عدالت کے لیے لیبیا کے نمائندے احمد الجہانی نے صحافیوں کو بتایا ہے کہ ’وہ جیل میں نہیں ہیں اور انہیں ایک گیسٹ ہاؤس میں رکھا گیا ہے جہاں ان کے ساتھی ان کے ہمراہ ہیں‘۔