ایران سے مذاکرات پر آمادگی کی تردید

آخری وقت اشاعت:  اتوار 21 اکتوبر 2012 ,‭ 02:59 GMT 07:59 PST

وائٹ ہاؤس نے جوہری پروگرام پر ایران کے ساتھ دو طرفہ مذاکرات پر آمادگی کی اطلاعات کی تردید کی ہے۔

یہ خبر امریکی اخبار نیویارک ٹائمز میں شائع ہوئی تھی جس میں نامعلوم حکام کے حوالے سے کہا گیا ہے کہ ایران پہلی مرتبہ بات چیت پر راضی ہوا ہے لیکن یہ مذاکرات چھ نومبر کو ہونے والے صدارتی انتخابات سے قبل نہیں ہوگی۔

امریکی اخبار کی رپورٹ میں کہا گیا ہے کہ امریکہ اور ایران نے دو طرفہ بات چیت پر ’اصولی‘ اتفاق کر لیا ہے۔

تاہم امریکہ کی قومی سلامتی کونسل کے ترجمان ٹامی وائٹر نے ایک بیان میں کہا ہے کہ ’یہ سچ نہیں کہ امریکہ اور ایران نے دو طرفہ مذاکرات یا امریکی صدارتی انتخاب کے بعد کسی بھی ملاقات پر اتفاق کیا ہے‘۔

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔