نگران وزیراعظم،’اپوزیشن تین ناموں پر متفق‘

آخری وقت اشاعت:  بدھ 6 مارچ 2013 ,‭ 14:02 GMT 19:02 PST

پاکستان مسلم لیگ نواز کے رہنما چوہدری نثار علی خان نے کہا ہے کہ ملک کے نگران وزیراعظم کے لیے اپوزیشن میں تین ناموں پر اتفاقِ رائے ہوگیا ہے۔

بدھ کو لاہور میں پریس کانفرنس سے خطاب کرتے ہوئے پاکستان کی قومی اسمبلی میں قائدِ حزب اختلاف نے کہا کہ اپوزیشن جماعتیں جن تین ناموں پر متفق ہوئی ہیں ان میں جسٹس (ر) ناصر اسلم زاہد، جسٹس(ر) شاکر اللہ جان اور بزرگ سیاستدان رسول بخش پلیجو شامل ہیں۔

چودھری نثار نے کہا کہ وہ اس حوالے سے جمعرات کو وزیراعظم کو خط تحریر کریں گے۔

چوہدری نثار کا یہ بھی کہنا تھا کہ آئینی و قانونی طور پر قائدِ حزبِ اختلاف نگران وزیراعظم کے ناموں کے بارے میں کسی سے مشاورت کا پابند نہیں لیکن ان کی جماعت نے پارلیمنٹ میں موجود اپوزیشن جماعتوں کے ساتھ ان جماعتوں کو بھی اعتماد میں لیا جو ایوان میں موجود نہیں۔

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔