ہلمند: ’پولیس اہلکار نے چھ ساتھیوں کو مار ڈالا‘

افغانستان کے جنوبی صوبے ہلمند میں گورنر کا کہنا ہے کہ ایک پولیس اہلکار نے چیک پوسٹ پر اپنے چھ ساتھیوں کو ہلاک کردیا ہے۔

مقامی گورنر کا کہنا ہے کہ ایک چیک پوسٹ پر تعینات چھ پولیس اہلکاروں کی لاشیں ملی ہیں۔

ان کا کہنا تھا کہ ابھی یہ کہنا قبل از وقت ہے کہ قاتل پولیس اہلکار کا تعلق شدت پسندوں سے تھا یا نہیں۔

واضح رہے کہ یہ ایک ہفتے میں دوسرا واقعہ ہے جس میں اہلکار ہی نے اپنے ساتھیوں کو مار ڈالا ہے۔