چلاس کے قریب فائرنگ سے دس غیر ملکی سیاح ہلاک

پاکستان کے شمالی علاقے گلگت بلتستان میں چلاس کے قریب ننگا پربت بیس کیمپ میں دس غیر ملکی سیاحوں کو فائرنگ کرکے ہلاک کر دیا گیا ہے۔

پاکستان کی سرکاری ٹی وی پی ٹی وی نے گلگت رینج کے ڈی آئی جی علی شیر کے حوالے سے بتایا کہ حملہ آوروں نے ہوٹل میں گھس کر فائرنگ کرکے سیاحوں کو ہلاک کیا۔

ڈائی جی علی شیر نے کہا کہ یہ واقعہ سنیچر کی رات گیارہ سے بارہ بجے کے درمیان پیش آیا۔

سرکاری ٹی وی کے مطابق قتل کیے گئے سیاحوں کا تعلق روس ، چین اور یوکرائن سے بتایا جاتا ہے۔

سکیورٹی فورسز نے علاقے کو گھیرے میں لے لیا ہے جبکہ اے ایس پی دیامر کی قیادت میں تحقیقاتی ٹیم جائے وقوعہ پر روانہ کر دی گئی ہے۔