صحت مند اور طفیلی جڑواں کے جسم الگ، آپریشن کامیاب

تصویر کے کاپی رائٹ Reuters

امریکہ میں ایک صحت مند بچی کے جسم سے جڑے نامکمل جڑواں بچے کو علیحدہ کرنے کا کامیاب آپریشن کر لیا گیا ہے۔

پانچ سرجنز نے شکاگو کے ایڈوکیٹ چلڈرن ہسپتال میں بچی کے جسم سے طفیلی جڑواں بچے کا جسم الگ کیا گیا۔

٭بچی جو دو بار پیدا ہوئی

یہ ایک غیر معمولی کیس تھا جس میں بچی کی پیٹھ اور کندھے طفیلی جڑواں بچے سے جڑے ہوئے تھے اور دیکھنے میں ایسا لگتا تھا جیسے بچی کی فالتو ٹانگیں اور پاؤں ہیں۔

تصویر کے کاپی رائٹ Reuters

اس بچی کی رہائش آئیوری کوسٹ میں ہے اور یہ جلد شکاگو سے گھر واپس لوٹ جائے گی۔

ڈاکٹر جان روگ جو کہ تمام سرجنز کی رہنمائی کر رہے تھے کا کہنا ہے کہ یہ ایک بہت بڑا چیلینج تھا کہ بچی مفلوج ہونے سے بچ جائے۔

ان کا کہنا تھا کہ بچی کی ریڑھ کی ہڈی تباہ ہو سکتی تھی۔

بچی کی پیٹھ اور کندھے طفیلی جڑواں بچے سے جڑے ہوئے تھے اور دیکھنے میں ایسا لگتا تھا جیسے بچی کی فالتو ٹانگیں اور پاؤں ہیں

تصویر کے کاپی رائٹ Reuters

ایک اور سرجن فرینک ویکاری کہتے ہیں کہ انھوں نے بچی کے جسم اور طفیلی بچے کے جسم کے مخصوص خاکے لے رکھےتھے تاکہ کسی ھبی غیر معمولی چیز سے بچ کر سرجری کی جائے۔

متعلقہ عنوانات

اسی بارے میں