فیس بک کے صارفین کی تعداد ایک ارب

آخری وقت اشاعت:  جمعرات 4 اکتوبر 2012 ,‭ 12:45 GMT 17:45 PST

سماجی رابطے کی ویب سائیٹ فیس بک کی انتظامیہ کا کہنا ہے کہ دنیا بھر میں ہر مہینے ایک ارب سے زیادہ افراد فیس بک کا استعمال کرتے ہیں۔

اس بات کا اعلان فیس بک کے بانی مارک زکربرگ نے جمعرات کو امریکی ٹی وی پر کیا۔

کمپنی کا کہنا ہے کہ دنیا میں فیس بک استعمال کرنے والے ایک ارب سے زیادہ افراد ایک اعشاریہ ایک تین ٹریلین ’لائیکس‘، دو سو انیس بلین تصاویر اور سترہ بلین لوکیشنّز چیک کرنے کے ذمہ دار ہیں۔

واضح رہے کہ فیس بک کو سنہ دو ہزار چار میں شروع کیا گیا تھا اور اب وہ اپنے صارفین کے لیے نئی بیس بنانا چاہتی ہے۔

فیس بک کے بانی مارک زکربرگ نے اپنے اپ ڈیٹ سٹیٹس پر لکھا ’مجھے اور میری ٹیم کو یہ اعزاز دینے کا بہت شکریہ۔‘

انہوں نے مزید کہا دنیا میں ایک ارب افراد کو ملانا خوش آئند ہے اور یہ میرے لیے ایک اعزاز کی بات ہے۔

فیس بک کے بانی مارک زکربرگ گزشتہ روس کے دورے پر تھے جہاں انہوں نے وزیراعظم دیمتری میدوی ایدف سے ملاقات کی۔

دوسری جانب فیس بک انتظامیہ کا کہنا ہے کہ انہوں نے افریقہ میں استعمال ہونے والے ایسے فیچر فونز کو ٹارگٹ کیا جو فیس بک کی ویب سائیٹ کو مکمل طور پر ڈسپلے نہیں کرتے تھے جس کے بعد وہاں فیس بک کا استعمال مذید بہتر ہوا۔

اسی بارے میں

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔