انگلینڈ نے بنگلہ دیش کو شکست دے کر تین میچوں کی سیریز جیت لی

تصویر کے کاپی رائٹ AFP
Image caption سٹوکس اور ووکس کے درمیان آخری میں 42 رنز کی شراکت داری ہوئی

انگلینڈ نے چٹاگانگ میں کھیلے جانے والے تین ایک روزہ میچوں کی سیریز کے آخری میچ میں بنگلہ دیش کو چار وکٹوں سے شکست دے کر سیریز جیت لی ہے۔

کرکٹ سیریز کا پہلا میچ انگلینڈ 21 رنز سے جبکہ دوسرے میچ میں بنگلہ دیش نے انگلینڈ کو 34 رنز سے شکست دے کر سیریز ایک ایک سے برابر کردی تھی۔

میچ کا تفصیلی سکور کارڈ

انگلینڈ نے ٹاس جیت کر بنگلہ دیش کو پہلے بیٹنگ کی دعوت دی جس نے مقررہ 50 اوورز میں 6 وکٹوں کے نقصان پر 277 رنز بنائے۔

جواب میں انگلینڈ نے 278 رنز کا ہدف 6 ہی وکٹوں کے نقصان پر 47.5 اوورز میں حاصل کر لیا۔

انگلینڈ کی اننگز میں بلنگز اور ڈکٹ نے بلترتیب 62 اور 63 رنز بنائے جبکہ بنگلہ دیش کی اننگز میں مشفیق نے 67 رنز بنائے اور ناٹ آؤٹ رہے۔

دونوں ٹیموں کے درمیان ٹیسٹ میچوں کی سیریز کا پہلا میچ 20 اکتوبر کو شروع ہو گا۔

اسی بارے میں