پرتھ ٹیسٹ میں جنوبی افریقہ کی پوزیشن مستحکم

ڈین ایلگر اور جے پی ڈومینی تصویر کے کاپی رائٹ Reuters
Image caption جنوبی افریقہ کی جانب سے ڈین ایلگر اور جے پی ڈومینی نے سنچریاں بنائیں

پرتھ میں کھیلے جانے والے پہلے ٹیسٹ میچ کے تیسرے دن کے کھیل کے اختتام پر جنوبی افریقہ نے آسٹریلیا کے خلاف چھ وکٹوں کے نقصان پر 390 رنز بنا لیے ہیں۔

تیسرے دن کے کھیل کے اختتام پر کوئنٹن ڈی کاک اور فلینڈر کریز پر موجود ہیں اور دونوں نے بالترتیب 16 اور 23 رنز بنائے ہیں۔

جنوبی افریقہ کو آسٹریلیا پر 388 رنز کی سبقت حاصل پے اور دوسری اننگز میں اس کی چار وکٹیں باقی ہیں۔

میچ کا تفصیلی سکور کارڈ

پرتھ ٹیسٹ میں جنوبی افریقہ کو 102 رنز کی برتری

پرتھ ٹیسٹ میں آسٹریلیا کا جارحانہ آغاز

مہمان ٹیم کی جانب سے ڈین ایلگر اور جے پی ڈومینی نے تیسرے دن کے کھیل کا آغاز کیا۔

دونوں بیٹسمینوں نے ذمہ دارانہ بیٹنگ کا مظاہرہ کرتے ہوئے اپنی اپنی سنچریاں مکمل کیں۔

آسٹریلیا کی جانب سے دوسری اننگز میں پیٹر سڈل نے دو اور ہیزل وڈ نے ایک کھلاڑی کو آؤٹ کیا ہے۔

اس سے پہلے آسٹریلیا کی پوری ٹیم اپنی پہلی اننگز میں 244 رنز بنا کر آؤٹ ہو گئی تھی۔

میزبان ٹیم کی جانب سے ڈیوڈ وارنر نے 16 چوکوں اور ایک چھکے کی مدد سے 97 جب کہ شان مارش نے سات چوکوں کی مدد سے 63 رنز بنائے۔

جنوبی افریقہ کے بولر ورنن فیلینڈر نے چار، کیشو مہاراج نے تین، ربادا نے دو اور سٹین نے ایک کھلاڑی کو آؤٹ کیا۔

جمعرات کو شروع ہونے والے پہلے ٹیسٹ میچ میں جنوبی افریقہ نے ٹاس جیت کر پہلے بیٹنگ کرنے کا فیصلہ کیا تھا اور اس کی پوری ٹیم پہلی اننگز میں 242 رنز ہی بنا سکی تھی۔

اسی بارے میں