یوسین بولٹ چھٹی بار سال کے بہترین ایتھیلٹ منتخب

یوسین بولٹ تصویر کے کاپی رائٹ Getty Images
Image caption یوسین بولٹ مردوں اور الماز ایانا عورتوں کے زمرے میں 2016 کے بہترین ایتھلیٹ قرار دیے گئے

انٹرنیشل ایسوسی ایشن آف ایتھلیک فیڈریشنز نے عالمی شہرت یافتہ ایتھلیٹ یوسین بولٹ کو چھٹی بار سال کا بہترین مرد ایتھلیٹ قرار دیا ہے۔

ایتھیوپیا کی الماز آیانا کو سال کی بہترین خاتون ایتھیلیٹ قرار دیا ہے۔ انھوں نے ریو اولمپکس میں 14 سیکنڈ کی سبقت سے دس ہزار میٹر دوڑ کا کا عالمی ریکارڈ توڑا تھا۔

جمیکا سے تعلق رکھنے والے بولٹ نے اس موقعے پر کہا: 'یہ میرے لیے بڑا اعزاز ہے۔ جب آپ کو سال کا بہترین ایتھلیٹ قرار دیا جاتا ہے تو اس کا مطلب ہے کہ آپ کی سخت محنت رنگ لائی ہے۔ اس لیے میرے لیے یہ اتنا ہی اہم ہے جتنا پہلی مرتبہ تھا۔'

وہ اگلے برس لندن میں ہونے والی عالمی ایتھلیکٹس چیمپیئن شپ کے بعد ریٹائر ہونے کا ارادہ رکھتے ہیں۔

ایانا نے اِسی برس ریو میں دس ہزار میٹر کا فاصلہ 29 منٹ 17.45 سیکنڈ میں طے کر کے 23 سال پرانا ریکارڈ توڑا تھا۔

اس کے علاوہ 25 سالہ خاتون کھلاڑی نے پانچ ہزار میٹر کی دوڑ میں کانسی کا تمغہ بھی جیتا تھا۔

تصویر کے کاپی رائٹ Getty Images

متعلقہ عنوانات

اسی بارے میں