کراچی کنگز کی 44 رنز سے فتح، دفاعی چیمپیئن باہر

پی ایس ایل تصویر کے کاپی رائٹ PSL

شارجہ میں کھیلے جانے والے پاکستان سپر لیگ کے دوسرے پلے آف میچ میں کراچی کنگز نے اسلام یونائٹڈ کو 44 رنز سے شکست دے کر ٹورنامنٹ سے باہر کر دیا ہے۔

اسلام یونائٹڈ کی پوری ٹیم 127 رنز کے ہدف کے تعاقب میں 16 ویں اوور کی دوسری گیند پر ڈھیر ہو گئی۔

کراچی کنگز کے بولروں نے عمدہ بولنگ کا مظاہرہ کرتے ہوئے اسلام یونائٹڈ کے بلے بازووں کو پریشان کیے رکھا۔

کوئٹہ کے پانچ غیرملکی کرکٹرز کا لاہور نہ جانے کا فیصلہ

سنسنی خیز مقابلے کے بعد کوئٹہ گلیڈی ایٹرز فائنل میں

غیرملکی کمنٹیٹرز لاہور نہیں جائیں گے

کراچی کنگز کی جانب سے محمد عامر، عماد وسیم اور اسامہ میر نے تین تین کھلاڑیوں کو آؤٹ کیا۔

تصویر کے کاپی رائٹ PSL

اس سے پہلے کراچی کنگز کی پوری ٹیم 20 ویں اوور کی چوتھی گیند پر 126 رنز بنا کر آؤٹ ہو گئی اور اس نے اسلام یونائٹڈ کو جیتنے کے لیے 127 کا ہدف دیا۔

اسلام یونائٹڈ کے بولروں نے عمدہ بولنگ کا مظاہرہ کرتے ہوئے کراچی کنگز کو ایک بڑا سکور کرنے سے روکا۔

تصویر کے کاپی رائٹ PSL

کراچی کنگز کی جانب سے بابر اعظم اور کرس گیل نے اننگز کا آغاز کیا تاہم دونوں بلے باز پہلے دو اوورز میں کوئی سکور نہ بنا سکے۔

اسلام یونائٹڈ کے رومان رئیس نے شاندار بولگن کا مظاہرہ کرتے ہوئے چار اوورز میں 25 رنز دے کر چار کھلاڑیوں کو آؤٹ کیا۔ انھوں نے 19 ویں اوور میں کراچی کنگز کے پولارڈ، سہیل خان اور عماد وسیم کو آؤٹ کیا۔

تصویر کے کاپی رائٹ PSL

اسلام آباد یونائٹڈ کی جانب سے رومان رئیس نے چار، محمد سمیع اور شین واٹسن نے دو، دو جبکہ شاداب خان نے ایک کھلاڑی کو آؤٹ کیا۔

لیگ میچوں میں کراچی کنگز اور اسلام آباد یونائٹڈ نے آٹھ آٹھ پوائنٹس حاصل کیے لیکن رن ریٹ پر کراچی کنگز تیسرے اور اسلام آباد یونائٹڈ چوتھے نمبر پر رہی تھی۔

تصویر کے کاپی رائٹ PSL

منگل کو کھیلے جانے والے پاکستان سپر لیگ کے پہلے پلے آف میچ میں کوئٹہ گلیڈی ایٹرز نے سنسنی خیز مقابلے کے بعد پشاور زلمی کو ایک رن سے شکست دے کر فائنل میں جگہ بنائی تھی۔

لیگ مرحلے میں کراچی کنگز اور اسلام آباد یونائٹڈ کے درمیان پہلا میچ کراچی کنگز نے ڈک ورتھ لوئیس میتھیڈ کے تحت آٹھ رنز سے جیتا تھا اور دوسرے میچ میں بھی کراچی کنگز نے اسلام آباد یونائٹڈ کو آٹھ وکٹوں سے شکست دی تھی۔

اسی بارے میں