افغانستان لگاتار سب سے زیادہ ٹی 20 میچ جیتنے والی ٹیم

کرکٹ تصویر کے کاپی رائٹ AFP

انٹرنیشنل کرکٹ کونسل کے مطابق افغانستان کی ٹی 20 ٹیم اس وقت لگاتار سب سے زیادہ ٹی 20 انٹرنیشنل میچ جیتنے والی ٹیم ہے۔

افغانستان کی ٹی 20 کرکٹ ٹیم اب تک لگاتار دس ٹی 20 میچ جیت چکی ہے۔

افغان ٹیم نے گذشتہ سال کے اختتام پر چار اور رواں سال اب تک چھ میچوں میں کامیابی حاصل کی ہے۔

ان میچوں میں افغان ٹیم نے ویسٹ انڈیز،آئرلینڈ، اومان اور متحدہ عرب امارات جیسی ٹیموں کو شکست دی ہے۔

اس سے قبل یہ اعزاز انگلینڈ کی ٹی 20 ٹیم کے پاس تھا جس نے لگاتار آٹھ میچوں میں کامیابی حاصل کی تھی اور اس کی ان کامیابیوں کا سلسلہ 12 جنوری 2011 میں ختم ہوا تھا۔

اس کے علاوہ آئرلینڈ کی ٹیم بھی آٹھ ، جنوبی افریقہ اور پاکستان لگاتار سات سات میچ جیت چکے ہیں۔

پاکستان کی لگاتار کامیابیوں کا سلسلہ 13 جون 2009 سے شروع ہو کر 13 نومبر 2009 تک جاری رہا اور ان فتوحات کا اختتام پانچ فروری 2010 کو آسٹریلیا کے خلاف کھیلے گئے ٹی 20 میچ میں دو رنز سے شکست کے ساتھ ہوا تھا۔

متعلقہ عنوانات

اسی بارے میں