کولمبو: ملنگا کی ہیٹ ٹرک مگر پھر بھی بنگلہ دیش کی جیت

بنگہ دیش کرکٹ ٹیم تصویر کے کاپی رائٹ AFP/Getty Images

کولمبو میں کھیلے جانے والے دوسرے ٹی ٹوئنٹی میچ میں بنگلہ دیش نے سری لنکا کو 45 رنز سے شکست دے کر دو میچوں پر مشتمل سیریز ایک ایک سے برابر کر لی۔

سری لنکا کی پوری ٹیم 177 رنز کے ہدف کے تعاقب میں 18 ویں اوور میں پویلین لوٹ گئی۔

میچ کا تفصیلی سکور کارڈ

سری لنکا نے بنگلہ دیش کو چھ وکٹوں سے شکست دے دی

میزبان ٹیم کی جانب سے کوشل پریرا اور دلشان مناویرا نے اننگز کا آغاز کیا اور پہلی وکٹ کی شراکت میں چار رنز بنائے۔

سری لنکا کی جانب سے کپوگیدرا نے 50 اور اوپل تھرنگا نے 23 رنز بنائے۔

مہمان ٹیم کی جانب سے مستفیض الرحمان نے چار اور شکیب الحسن نے تین کھلاڑیوں کو آؤٹ کیا۔

اس سے پہلے بنگلہ دیش نے ٹاس جیت کر مقررہ 20 اوورز میں نو وکٹوں کے نقصان پر 179 رنز بنائے۔

بنگلہ دیش کی جانب سے شکیب الحسن نے 38، امرالقیس نے 36 اور سومیا سرکار نے 34 رنز بنائے۔

تصویر کے کاپی رائٹ Getty Images

میزبان ٹیم کی جانب سے لستھ ملنگا نے تین کھلاڑیوں کو آؤٹ کیا جن میں ان کی ہیٹ ٹرک بھی شامل ہے۔

سری لنکا کے بولر لستھ ملنگا ٹی ٹوئنٹی میچوں میں ہیٹ ٹرک کرنے والے دنیا کے پانچویں بولر بن گئے ہیں۔

لستھ ملنگا نے اپنے آخری اوور میں مشفیک الرحیم اور مشرف مرتضی کو بولڈ جب کہ مہدی حسن کو ایل بی ڈبلیو آؤٹ کیا۔

ان کی عمدہ کارکردگی کے باوجود سری لنکا کی ٹیم بنگلہ دیش کو ہرانے میں ناکام رہی۔

بنگلہ دیش کے شکیب الحسن کو میچ کا بہترین کھلاڑی قرار دیا گیا۔

اسی بارے میں