’ہم فیفا کی ساکھ بحال کرنے کی کوشش کر رہے ہیں‘

گیانی انفینٹینو تصویر کے کاپی رائٹ Reuters
Image caption ’ہم نے اس وقت فیفا کا انتظام سنھبالا جب اس کی ساکھ بہت خراب ہو چکی تھی'

فٹبال کے عالمی ادارے فیفا کے صدر گیانی انفینٹینو نے ادارے کی گورننگ باڈی کی جانب سے بدعنوانی کی تفتیش کرنے والے دو افسران کی برطرفی کے فیصلے پر تنقید کی ہے۔

بحرین میں فیفا کی کانگریس سے خطاب کرتے ہوئے انفینٹینو کا کہنا تھا 'ان کی ٹیم فیفا کی ساکھ کی تعمیرِ نو کر رہی ہے۔‘

فیفا کے ایک اعلی عہدیدار شیخ احمد الفہد دھوکہ دہی کے الزامات کے بعد مستعفی

فیفا بدعنوانی معاملے میں وینیزویلا کے اہلکار کا اعتراف جرم

انھوں نے ایسے خود ساختہ ماہرین پر جنھیں فیفا کی اصلاح کے لیے لاکھوں روپے دیے گئے تنقید کرتے ہوئے انھیں محض ربڑ سٹیمپ، بیمار اور کرپٹ قرار دیا۔

خبر رساں ادارے روئٹرز کے مطابق ان کا کہنا تھا 'ہم فیفا کی ساکھ بحال کرنے کی کوشش کر رہے ہیں۔ ہم نے اس وقت فیفا کا انتظام سنبھالا جب اس کی ساکھ بہت خراب ہو چکی تھی۔‘

ان کا کہنا تھا کہ فیفا کے بارے میں بہت سی جعلی خبریں گردش کر رہی ہیں اور کچھ ممالک میں فیفا کو تنقید کا نشانہ بنانا قومی کھیل بن چکا ہے۔

خبر رساں ادارے اے ایف پی کے مطابق انفینٹینو نے کہا 'فیفا اب بدل چکی ہے، یہ ایک نئی فیفا ہے، ہمارے پاس نئے لوگ ہیں اور ہم الفاظ کی بجائے حقائق پر کام کرتے ہیں۔‘

ان کا کہنا تھا کہ فیفا میں کسی بھی قسم کی بد عنوانی کی کوئی جگہ نہیں ہے۔

متعلقہ عنوانات

اسی بارے میں