وہاب ریاض کی جگہ رومان رئیس ٹیم میں شامل

تصویر کے کاپی رائٹ PSL
Image caption رومان رئیس پاکستان کی جانب سے دو ٹی ٹوئنٹی میچ کھیل چکے ہیں

آئی سی سی نے پاکستانی فاسٹ بولر وہاب ریاض کی جگہ رومان رئیس کو سکواڈ میں شامل کرنے کی منظوری دے دی ہے۔

پاکستان کے تیز رفتار بولروہاب ریاض برمنگھم میں انڈیا کے خلاف میچ میں ایڑھی زخمی ہونے کے بعد چیمپیئنز ٹرافی کے باقی میچوں میں نہیں کھیل سکیں گے۔

پاکستان کے کرکٹ بورڈ کی طرف سے پیر کو جاری ہونے والے ایک بیان میں کہا گیا کہ چوٹ کی نوعیت ایسی ہے کہ وہاب ریاض باقی میچوں میں حصہ نہیں لے سکیں گے۔

بائیں بازو سے بولنگ کروانے والے25 برس کے رومان رئیس پاکستان کی جانب سے دو ٹی ٹوئنٹی میچ کھیل چکے ہیں۔

تاہم 42 فرسٹ کلاس میچوں میں ان کی وکٹوں کی تعداد 123 ہے۔

رومان رئیس کو چیمیئنز ٹرافی 2017 میں آئی سی سی کی ایونٹ ٹیکنیکل کمیٹی کی منظوری کے بعد ٹیم میں شامل کیا گیا ہے۔ ٹورنامنٹ کے دوران کسی بھی کھلاڑی کو سکواڈ میں شامل کرنے سے پہلے آئی سی سی کی ایونٹ ٹیکنیکل کمیٹی کی منظوری لازمی ہوتی ہے اور

٭ انڈیا کے ہاتھوں پاکستان کو 124 رنز سے شکست

٭ وہاب کی ٹیم میں شمولیت کا فیصلہ میرا تھا: مکی آرتھر

اس سے پہلے پی سی بی کے بیان میں کہا گیا تھا کہ وہاب ریاض کے پیر کو کیے جانے والے سکین سے معلوم ہوا ہے کہ ان کی ایڑھی کے لگمنٹ متاثر ہوئے ہیں۔

تصویر کے کاپی رائٹ Getty Images
Image caption وہاب ریاض انڈیا کے خلاف میچ میں زخمی ہونے کے بعد پویلین واپس جاتے ہوئے۔

بورڈ نے کہا ہے کہ اس چوٹ کے مندمل ہونے میں کم از کم دو ہفتے لگیں گے جس کی وجہ سے انھیں مکمل آرام کی ہدایت کی گئی ہے اور وہ باقی ماندہ میچوں میں حصہ نہیں لے سکیں گے۔

پی سی بی نے آئی سی سی کی ٹیکنیکل کمیٹی کو وہاب ریاض کے متبادل کھلاڑی کے بارے میں درخواست کر دی ہے۔

وہاب ریاض انڈیا کے خلاف میچ میں سب سے مہنگے ثابت ہوئے تھے اور انھیں آٹھ اعشاریہ ایک اوور میں 87 رن پڑے تھے جن میں 11 چوکے بھی شامل تھے۔

انڈیا کے میچ سے قبل بھی وہاب ریاض کی فٹنس کے بارے میں شکوک و شبہات پائے جاتے تھے۔ وہ تربیت کے دوران گھٹنے کے گرد پٹیاں لپیٹے نظر آئے۔

انڈیا کے میچ میں پاکستان کے دوسرے مرکزی بولر محمد عامر کا بھی پٹھہ چڑھ گیا تھا لیکن وہ بعد میں بیٹنگ کرنے آئے۔ لیکن وہاب ریاض بیٹنگ بھی نہیں کر سکے تھے۔

چیمپیئنز ٹرافی میں پاکستان بدھ کو جنوبی افریقہ کے خلاف اپنا دوسرا میچ کھیلا گا۔

متعلقہ عنوانات

اسی بارے میں