مہندر سنگھ دھونی کی سرفراز احمد کے بیٹے کے ساتھ تصویر وائرل

دھونی تصویر کے کاپی رائٹ TWITTER

پاکستان اور انڈیا کے درمیان اتوار کو کھیلے جانے والے فائنل سے قبل جہاں دونوں ممالک کے شائقین کرکٹ کا جوش اپنے عروج پر ہے تو وہیں انڈین کرکٹر مہندر سنگھ دھونی کی ایک تصویر سوشل میڈیا پر وائرل ہو گئی ہے۔

کرکٹ کی تاریخ کے ایک بڑے مقابلے سے پہلے فیس بک سے لے کر ٹویٹر پر دونوں ممالک کے کرکٹ شائقین کے درمیان سخت بیان بازی جاری ہے۔

٭ پاکستان بمقابلہ انڈیا، آپ کیا جانتے ہیں؟

٭ ’یہ کرکٹ کا نہیں، سوچ کا ٹاکرا ہے‘

٭ پاکستان اور بھارت کا فائنل، ہر اوور پانچ کروڑ!

لیکن اس کے درمیان ٹیم انڈیا کے سابق کپتان مہندر سنگھ دھونی پاکستانی کرکٹ ٹیم کے کپتان سرفراز احمد کے بیٹے عبداللہ کے ساتھ نظر آئے ہیں۔

سوشل میڈیا پر یہ تصویر سینیئر ٹی وی صحافی راجدیپ سردیسائی نے جاری کی ہے۔

کوہلی سوشل میڈیا سے دور ہو گئے

تصویر کے کاپی رائٹ Reuters

دوسری جانب انڈین ٹیم کے کپتان کوہلی نے فائنل سے پہلے سوشل میڈیا کا استعمال ترک کر دیا ہے تاکہ تمام توجہ میچ کی تیاری پر رہے۔

ویراٹ کوہلی نے کہا ہے کہ سوشل میڈیا کے استعمال سے خود کو روکنا ان کی اور انڈیا کے فام میں آنے کی بڑی وجہ ہے۔

کوہلی کے فیس بک، ٹوئٹر، انسٹاگرام اکاؤنٹس پر تقریباً چھ کروڑ 56 لاکھ فالورز ہیں تاہم کوہلی کے مطابق کامیابی کی کنجی یہ ہے کہ سوشل میڈیا پر منفیت اور انتشار توجہ سے دور رہا جائے۔

کوہلی کے مطابق 'صاف گوئی سے، یہ مضحکہ خیز لگتا ہے لیکن یہ بہت اہم ہے کہ ان چیزوں سے دور رہا جائے اور ان چیزوں سے خود کو جوڑا جائے جو اہمیت رکھتی ہیں۔یہ مشکل کام ہے لیکن خود کو اچھی ذہنی حالت میں رکھنے کے لیے اس طرح کی کوشش کرنا پڑتی ہے۔ اگر آپ بہت زیادہ مشوروں، کھلاڑیوں یا تنقید کو بہت زیادہ سنتے ہیں تو اس صورت میں آپ کو ایک کھلاڑی کے طور پر جس کی چیز پر سوچنے کی ضرورت ہے اس پر توجہ نہیں سکتے اور نہ ہی اپنی ٹیم کی رہنمائی کر سکتے ہیں اور پھر ٹیم میں دوسروں کی مدد کر سکتے ہیں۔

خیال رہے کہ آج اتوار کو کرکٹ کے دو روایتی حریف پاکستان اور انڈیالندن کے اوول کرکٹ گرؤانڈ پر آئی سی سی چیمپیئنز ٹرافی کے فائنل میں مدمقابل ہوں گے۔

پاکستانی کرکٹ ٹیم کے کوچ مکی آرتھر کا کہنا ہے کہ اس بار کوئی افسوس نہیں ہونا چاہیے جیسا کہ انڈیا کے ساتھ پہلے میچ میں ہوا تھا۔

فائنل میں ویراٹ کوہلی اس ٹورنامنٹ میں اس اعزاز کا دفاع کریں گے جبکہ سرفراز نہ صرف خود کسی بڑے بین الاقوامی ٹورنامنٹ میں ٹیم کی کپتانی پہلی مرتبہ کر رہے ہیں بلکہ پاکستانی ٹیم بھی پہلی مرتبہ چیمپیئنز ٹرافی کے فائنل میں پہنچی ہے۔

متعلقہ عنوانات

اسی بارے میں