’جڈیجا نے پانڈیا کے ساتھ ایسا کیوں کیا؟'

کرکٹ تصویر کے کاپی رائٹ PA

پاکستان نے اتوار کو چیمپیئنز ٹرافی کے فائنل مقابلے میں انڈیا کو 180 رنز کے بڑے فرق سے شکست دی جس کے بعد انڈیا کے سوشل میڈیا پر لوگوں نے اپنے جذبات کا اظہار اپنے انداز میں کیا۔

لندن کے اوول میدان میں کھیلے گئے اس میچ میں انڈیا کی پوری ٹیم 158 رنز پر پی ڈھیر ہو گئی۔ آئی سی سی کے کسی بھی ٹورنامنٹ کے فائنل کی تاریخ میں رنز کے حساب سے یہ اب تک کی سب سے بڑی جیت ہے۔

پاکستان کرکٹ کے چیمپیئنز کا چیمپیئن

کوہلی کی وکٹ لینا چاہتا تھا لیکن عامر نے یہ خواہش پوری نہیں ہونے دی: شاداب

انڈین سوشل میڈیا میں اتوار کو پاکستان اور انڈیا کے درمیان کھیلے جانے والے کرکٹ کے فائنل میچ کے بارے میں رنگا رنگ آرا دیکھنے کو مل رہی ہیں۔ ٹوئٹر پر میچ سے منسلک کم از کم آٹھ ہیش ٹیگ ٹرینڈ کر رہے تھے۔

تصویر کے کاپی رائٹ Getty Images

بہت سے لوگ انڈیا کو دکھی نہ ہونے کے پیغام دے رہے تھے تو کچھ پاکستان کو مبارکباد دے رہے تھے۔ بہت سے پانڈیا کی شاندار نصف سنچری کی بات کر رہے تھے۔

دیپ چند نے لکھا: 'اب آگے یہ سوال ہے کہ آخر رویندر جڈیجا نے پانڈیا کے ساتھ ایسا کیوں کیا؟'

تصویر کے کاپی رائٹ TWITTER

میچ میں پانڈیا نے سب سے زیادہ 76 رنز بنائے۔

سید كرش آفتاب کے مطابق 'انڈین ٹیم کے واحد سپاہی پانڈیا تھے۔'

جڈیجا نے گیند ایک رن کے لیے کھیلی جس کے بعد دوسری جانب سے پانڈیا رن لینے کے لیے دوڑ پڑے لیکن جڈیجا کی نظر گیند پر تھی اور وہ چار قدم آ گے جا کر کریز پر واپس آئے اور اس طرح پانڈیا کو پویلین لوٹنا پڑا۔

تصویر کے کاپی رائٹ TWITTER

Hitman نامی ایک صارف نے لکھا 'پانڈیا تو دبنگ نکلے، رویندر جڈیجا كٹپا نکلے۔'

يويو یش سنگھ نے لکھا: 'کھیل جیتنے کا جوش اس بات سے پتہ چلتا ہے کہ آپ آخر تک کتنا لڑ سکے. یہ چیز انڈین کھیل میں آج نظر نہیں آئی۔'

تصویر کے کاپی رائٹ TWITTER

سابق کرکٹر وریندر سہواگ نے لکھا: 'شاندار جیت پر مبارک باد، آپ نے بہت اچھا کھیلا اور آپ جیت کے مستحق ہیں۔'

منیش پانڈے نے لکھا 'کسی انڈین کے لیے جو بات سب سے بری ہے وہ پاکستان سے ہار جانا ہے، انڈین ٹیم کی کارکردگی مایوس کن تھی، اس سے برا کچھ نہیں ہو سکتا۔'

تصویر کے کاپی رائٹ TWITTER

لیكھر سدھیندر کلکرنی نے لکھا 'پاکستان کو مبارکباد دینے سے آپ کم بھارتی نہیں ہو جاتے لیکن پاک مخالف باتیں کرنے سے ایسے ضرور بن جائیں گے۔'

پیسیفک رگاسوامی لکھتے ہیں: پاکستان کے پاس 50 فیصد بھی وہ سہولیات نہیں ہیں جو انڈین ٹیم کو ملی ہیں، وہ ہر مشکل کو پار کرتے ہوئے جیتے ہیں ہمیں ان سے سبق حاصل کرنا چاہیے۔'

تصویر کے کاپی رائٹ TWITTER

سینئیر صحافی راجدیپ سردیسائی نے لکھا: 'ہمیں کھیل کو بغیر گولی کے جنگ کی طرح دیکھنا بند کرنا چاہیے اس سے ہم بہتر انڈین اور بہتر انسان بن سکیں گے۔'

تصویر کے کاپی رائٹ TWITTER

اداکار رنویر سنگھ نے لکھا: 'آپ کچھ میچ ہارتے ہیں کچھ جیتتے ہیں، لیکن آپ کو دنیا کی عظیم ٹیم ہیں، ہمیں آپ پر فخر ہے۔'

اداکار سدھارتھ ملوترا نے لکھا: ’پاکستان کی ٹیم کو مبارک ہو آپ نے اچھا کھیلا. بھارت کی ٹیم کی تعریف کرتا ہوں، لیکن آج کا دن اچھا نہیں تھا۔‘

تصویر کے کاپی رائٹ TWITTER

اداکار عرفان خان لکھتے ہیں: ’کھٹا میٹھا دن، ہاکی میں شاندار فتح کے لیے انڈین ٹیم کا شکریہ، کرکٹ میں پھر کسی اور دن۔'

اتوار دیسائی نے لکھا: 'اگر آپ برے وقت میں ٹیم انڈیا کے ساتھ نہیں ہیں تو آپ کو ان کی فتح پر جشن منانے کا کوئی حق نہیں ہے۔'

اسی بارے میں