ویمن ورلڈ کپ: دلچسپ میچ کے بعد پاکستان کو تین وکٹوں سے شکست

کرکٹ تصویر کے کاپی رائٹ Reuters

انگلینڈ میں جاری آئی سی سی ویمن کرکٹ ورلڈ کپ میں ایک دلچسپ مقابلے کے بعد جنوبی افریقہ نے پاکستان کو تین وکٹوں سے شکست دے دی ہے۔

پاکستان نے مقررہ 50 اوورز میں آٹھ وکٹوں کے نقصان پر 206 رنز سکور کیے اور جواب میں جنوبی افریقہ نے سات وکٹوں کے نقصان پر ہدف حاصل کر لیا۔

تفصیلی سکور کارڈ

ایک موقعے پر پاکستان کا پلڑا بھاری تھا جب پاکستان نے جلدی وکٹیں حاصل کیں۔ تاہم جنوبی افریقہ نے 49 اوورز میں ہدف حاصل کر لیا۔

پاکستان کو پہلی کامیابی ثنا میر نے دلوائی انھوں نے لی کو آؤٹ کیا۔ ایل لی نے 60 رنز بنائے۔

پاکستان کو دوسری کامیابی اس وقت ملی جب اوپنر ولوارٹ 52 رنز بنا کر رن آؤٹ ہوئیں۔

بسمہ معروف نے چیٹی کو 11 رن پر آؤٹ کیا۔

تصویر کے کاپی رائٹ Reuters

پاکستان کو چیٹی کی وکٹ کے بعد جلد ہی چوتھی وکٹ اس وقت ملی جب ایم کاپ ایک رن بنا کر آؤٹ ہوئیں۔

پاکستان کو پانچویں وکٹ سعدیہ یوسف نے دلوائی جب انھوں نے سی ایل ٹرائن کو تین رنز پر بولڈ کیا۔

162 کے مجموعی سکور پر نیکرک چار رنز سکور کر کے رن آؤٹ ہو گئیں۔

ڈو پریز جو جم کر بیٹنگ کر رہی تھیں وہ 30 رنز بنا کر کیچ آؤٹ ہوئیں۔

تصویر کے کاپی رائٹ Reuters

اس سے قبل لیسٹر میں کھیلے جانے والے میچ میں جنوبی افریقہ نے ٹاس جیت کر پاکستان کو پہلے بیٹنگ دعوت دی۔

پاکستان کا آغاز اچھا نہیں تھا اور 10 رنز کے مجموعی سکور پر اس کی پہلی وکٹ گری۔ عائشہ ظفر نو رنز سکور کر کے بولڈ ہوئیں۔ انھوں نے سات گیندوں میں دو چوکے مارے۔

جویریا خان اور بسمہ معروف بھی جم کر کھیل نہ سکیں اور ناہیدہ خان کے ساتھ پارٹنرشپ قائم کرنے میں ناکام رہیں۔

تصویر کے کاپی رائٹ Reuters

ناہیدہ اور نین غابدی نے چوتھی وکٹ کی شراکت میں 63 رنز بنائے۔ نین 22 رنز بنا کر 124 کے مجموعی سکور پر آؤٹ ہوئیں۔

پاکستان کی جانب سے جم کر کھیلنے والی ناہیدہ خان 79 رنز بنا سکیں۔ انھوں نے 101 گیندوں میں نو چوکوں اور ایک چھکے کی مدد سے 79 رنز بنائے۔

اسمعاویہ اقبال نے اچھی بیٹنگ کرتے ہوئے 38 گیندوں میں 27 رنز سکور کیے۔

متعلقہ عنوانات

اسی بارے میں