دفاعی چیمپیئن اینڈی مرے ومبلڈن اوپن سے باہر ہو گئے

اینڈی مرے تصویر کے کاپی رائٹ Getty Images

ومبلڈن اوپن میں اپ سیٹس کا سلسلہ جاری ہے اور بدھ کو کھیلے جانے والے کوارٹر فائنلز میں دفاعی چیمپیئن اینڈی مرے امریکہ کے سیم کیوری کے ہاتھوں شکست کھا کر ٹورنامنٹ سے باہر ہو گئے ہیں۔

29 سالہ سیم کیوری سنہ 2009 کے بعد ومبلڈن اوپن کے سیمی فائنل میں پہنچنے والی پہلے امریکی بن گئے ہیں۔

اس سے پہلے سنہ 2009 میں امریکی کھلاڑی اینڈی راڈک نے ومبلڈن اوپن کا سیمی فائنل کھیلا تھا۔

39 سال بعد برطانوی خاتون ومبلڈن کے سیمی فائنل میں

سپین کے رافیل ندال ومبلڈن اوپن سے باہر ہو گئے

سیم کیوری نے پانچ سیٹس تک جاری رہنے واے اس مقابلے میں اینڈی مرے کو 3-6، 6-4، 6-7، 4-7، 6-1، اور 6-1 کے فرق سے شکست دی۔

اینڈی مرے نے پہلے سیٹ میں 6-3 سے کامیابی حاصل کی لیکن اگلے سیٹ میں امریکی حریف نے میچ میں واپسی کرتے ہوئے 6-4 سے کامیابی حاصل کی۔

تیسرے سیٹ میں دونوں کھلاڑیوں کے درمیان سخت مقابلے دیکھنے کو ملا جس میں مرے نے 7-6 سے سیٹ جیت کر برتری حاصل کی۔

اس کے بعد کیوری نے شاندار کھیل پیش کیا اور اگلے دونوں سیٹس میں اینڈی مرے کو صرف دو گیمز جیتنے کا موقع دیا اور 6-1 اور 6-1 سے کامیابی سمیٹ کر فتح اپنے نام کر لی۔

ادھر ٹینس کی عالمی درجہ بندی پر براجمان نوواک جوکووچ کندھے میں تکلیف کے باعث کوارٹر فائنل میچ سے دستبردار ہو کر ایونٹ سے باہر ہو گئے ہیں۔

سربین کھلاڑی کو پری کوارٹر راؤنڈ میں بھی انجری کا سامنا کرنا پڑا تھا لیکن کوارٹر فائنل میں پہلا سیٹ ہارنے کے بعد وہ دوسرے سیٹ میں مقابلے سے دستبردار ہو گئے اور یوں ٹامس برڈک سیمی فائنل میں پہنچ گئے۔

متعلقہ عنوانات

اسی بارے میں