یونان: اولمپکس مشعل روشن کر دی گئی

اپ کی ڈیوائس پر پلے بیک سپورٹ دستیاب نہیں

یونان میں اولمپکس کی جائے پیدائش اور قدیم شہر اولمپیا میں منعقد ہونے والی ایک تقریب میں لندن اولمپکس دو ہزار بارہ کی مشعل روشن کر دی گئی ہے۔

جمعرات کو مشعل روشن کرنے کی تقریب میں قدیم یونانی لباس میں ملبوس اداکارہ اینو مینیگاکی نے عدسے کی مدد سے سورج کی شعاؤں سے مشعل جلائی۔

برطانیہ میں اولمپکس مشعل کا سفر:تصاویر

اولمپک مشعل کی تاریخ تصاویر میں

اس تقریب میں انٹرنیشنل اولمپکس کمیٹی کے چیئرمین اور ہیلینک اولمپکس کمیٹی کے صدر بھی موجود تھے اور مشعل روشن ہوتے ہی لندن اولمپکس کی الٹی گنتی کا آغاز ہوگیا۔

اب یہ مشعل ایک ہفتے تک یونان کے اندر سفر کرے گی اور تقریباً انتیس سو کلومیٹر کا سفر طے کرنے کے بعد سترہ مئی کو ایتھنز کے پیناتھیانک سٹیڈیم میں پہنچی گی جہاں اسے لندن اولمپکس کے منتظمین کے حوالے کر دیا جائے گا۔

تصویر کے کاپی رائٹ Getty Images

اس سٹیڈیم میں سنہ اٹھارہ سو چھیانوے میں پہلے جدید اولمپکس منعقد ہوئے تھے۔

مشعل کو اٹھارہ مئی کو برطانیہ لایا جائے گا جہاں اس کا سفر انیس مئی کو لینڈر اینڈ کے مقام سے شروع ہوگا اور ستائیس مئی کو مشرقی لندن کے علاقے سٹریٹفرڈ میں واقع اولمپکس سٹیڈیم میں اختتام پذیر ہوگا۔

ستر دنوں پر محیط اس سفر کے دوران اولمپکس کی مشعل برطانیہ کے ایک ہزار انیس مقامات سے گزرے گی۔

اسی بارے میں