پاک۔آسٹریلیا سیریز کا آخری ٹی ٹوئنٹی میچ

آخری وقت اشاعت:  پير 10 ستمبر 2012 ,‭ 14:26 GMT 19:26 PST
فائل فوٹو

یہ سیریز دونوں ٹیموں کی سری لنکا میں ہونے والے ٹی ٹوئنٹی ورلڈ کپ کی تیاریوں کا حصہ ہیں

متحدہ عرب امارات میں جاری پاکستان اور آسٹریلیا کے درمیان کرکٹ کے ٹی ٹوئنٹی سیریز کا آج تیسرا اور آخری میچ کھیلا جارہا ہے۔

پاکستان کو اس سیریز میں دو صفر کی ناقابل شکست برتری حاصل ہے۔

اس سے پہلے جمعے کے روز کھیلے گئے سیریز کے دوسرے میچ میں پاکستان نے آسٹریلیا کو سنسنی خیز مقابلے کے بعد سوپر اوور میں ہرا دیا تھا۔

اس شکست کے بعد آسٹریلیا آئی سی سی کی عالمی ٹی ٹوئنٹی درجہ بندی میں آئرلینڈ اور بنگلہ دیش سے نیچے، دسویں نمبر پر پہنچ گیا ہے۔

میچ کے بعد پاکستان ٹیم کے کوچ ڈیو واٹمور کا کہنا تھا کہ وہ پاکستان کی کارکردگی سے خوش ہیں اور سری لنکا میں ہونے والے ٹی ٹوئنٹی ورلڈ کپ سے پہلے سوپر اوور کھیلنے کا تجربہ کھلاڑیوں کے لیے مفید ثابت ہوسکتا ہے۔

ان کا کہنا تھا کہ سیریز جیتنے کی وجہ سے پاکستان ٹیم پر دباؤ کم ہے تاہم وہ چاہیں گے کہ پاکستان تیسرا میچ بھی جیتے اور آسٹریلیا کا کلین سوئپ کرئے۔ انہوں نے بتایا کہ شاہد آفریدی کے زخمی ہونے کی وجہ سے احتیاطی تدابیر کے طور ممکن ہے کہ انہیں اس میچ سے باہر رکھا جائے۔

اس سے پہلے ایک روزہ میچوں کی سیریز میں آسٹریلیا نے پاکستان کو دو ایک سے ہرایا تھا۔ ایک روزہ میچوں کی سیریز میں بھی دونوں ٹیموں کے درمیان سخت مقابلہ رہا تھا۔

یہ آخری میچ مقامی وقت کے مطابق سام آٹھ بجے شروع ہوگا۔ دبئی میں شدید گرمی کے باعث اس سیریز میں بیشتر میچوں کو شام کے وقت منعقد کیا گیا ہے۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔