جوہانسبرگ: پہلے ٹی ٹوئنٹی میں جنوبی افریقہ فاتح

Image caption جنوبی افریقہ کے ڈی کاک کو میچ کا بہترین کھلاڑی قرار دیا گیا

جوہانسبرگ میں کھیلے جانے والے پہلے ٹی ٹوئنٹی میچ میں جنوبی افریقہ نے ڈک ورتھ لوئس کے تحت پاکستان کو چار رنز سے شکست دے دی ہے۔

بارش کی وجہ سے جب میچ کو روکا گیا تو اس وقت پاکستان نے 9.1 اوورز میں 2 وکٹوں کے نقصان پر 60 رنز بنائے تھے۔

پاکستان کی جانب سے ناصر جمشید نے 18 اور محمد حفیظ نے 13 رنز بنائے۔

رنگ برنگا کراؤڈ ، بلیک اینڈ وائٹ پرفارمنس

میچ کا تفصیلی سکور کارڈ

جنوبی افریقہ کی جانب سے سوٹسوبے اور ڈومنی نے ایک ایک کھلاڑی کو آؤٹ کیا۔

اس سے پہلے جنوبی افریقہ نے مقررہ 20 اوورز میں سات وکٹوں کے نقصان پر 153 رنز بنائے۔

جنوبی افریقہ کی جانب سے ڈی کوک نے 8 چوکوں کی مدد سے 43 جبکہ ہاشم آملہ نے 6 چوکوں کی مدد سے 31 رنز بنائے۔

پاکستان کی جانب سے جنید خان اور محمد حفیظ نے دو، دو جبکہ آفریدی اور بلاول بھٹی نے ایک ایک وکٹ حاصل کی۔

بدھ کو کھیلے جانے والے اس میچ میں پاکستان نے ٹاس جیت کر پہلے فیلڈنگ کرنے کا فیصلہ کیا تھا۔

پاکستان جنوبی افریقہ کے خلاف دو ٹی ٹوئنٹی اور تین ایک روزہ میچ کھیلے گا۔

جنوبی افریقہ کے ڈی کوک کو میچ کا بہترین کھلاڑی قرار دیا گیا۔

اس سے قبل متحدہ عرب امارات میں جنوبی افریقہ نے ایک روزہ میچ اور ٹی ٹوئنٹی سیریز اپنے نام کی تھیں۔

اسی بارے میں