ورلڈ کپ 2014:ہالینڈ نے دفاعی چیمپیئن سپین کو تباہ کر دیا

تصویر کے کاپی رائٹ Getty
Image caption سپین کے کپتان گول کیپر انکا کیسیئس نے اپنی زندگی کا بدترین میچ کھیلا

ہالینڈ نے چار سال پہلے ورلڈ کپ کے فائنل میں سپین کے ہاتھوں شکست کا بدلہ کچھ اس انداز میں لیا جسے دفاعی چیمپیئن سپین مدتوں یاد رکھےگا۔

ہالینڈ نے یہ میچ اپنے تجربہ کار کھلاڑیوں رابن وین پرسی اور ائین رابن کے شاندار گولوں کی بدولت ایک کے مقابلے میں پانچ گول سے جیت لیا۔

فٹبال ورلڈ کپ پر خصوصی ضمیمہ

سپین نے میچ کے ابتدا میں پنلٹی پر گول کر کے برتری حاصل کی تھی جسے ہالینڈ کے فارورڈ روبن وین پرسی نے پہلے ہاف کے اختتامی لمحات میں ایک انتہائی شاندار گول سے ختم کر دیا۔

پہلے ہاف کے اختتام تک دونوں ٹیموں کا سکور ایک ایک گول سے برابر تھا۔

میچ کےدوسرے ہاف میں ہالینڈ نے جس کھیل کا مظاہرہ کیا وہ شاید کوئی اور ٹیم عرصے تک نہ دہرا سکے گی۔

ہالینڈ نے دوسرے ہاف میں چار مزید گول کر کے دفاعی چیمپیئن کو عبرت ناک شکست سے دوچار کیا۔

ہالینڈ کی طرف سے روبن وین پرسی اور ائین روبن دو دو جبکہ سٹیفن ڈی رج نے ایک گول کیے۔

پچھلے ورلڈ کپ میں بھی سپین کو اپنےافتتاحی میچ میں سوئٹزلینڈ کے ہاتھوں شکست ہوئی لیکن بعد میں سپین کی ٹیم سنبھل گئی اور ورلڈ کپ میں فاتح رہی تھی۔

تصویر کے کاپی رائٹ AFP
Image caption روبن وین پرسی نے پہلے ہاف کے اختتامی لمحات میں ایک انتہائی شاندار گول کیا

اگر ہالینڈ کے کھلاڑی گول کرنے کے تمام مواقعوں سے فائدہ اٹھاتے تو شاید سپین کی شکست اس سے بھی عبرتناک ہوتی تھی۔

میچ کے ابتدائی لمحات میں ہالینڈ پلے میکر ویزلے شنائڈرکو گول کا شاندار موقع ملا لیکن وہ گول کیپر کو مات دینے میں کامیاب نہ ہوئے۔ روبن وین پرسی ایک کک گول پوسٹ سے لگ کر باہر چلی گئی۔

سپین کی طرف سے واحد گول ایکس زیبی الانسو نے پنلٹی کک پر کیا۔

سپین کے کپتان انکا کیسیئس جنہیں ’دیوارِ سپین ‘ تصور کیا جاتا تھا اس میچ میں اپنی زندگی کا بدترین میچ کھیلا۔

سین نے اس بار اپنے ریگولر سٹرائیکر ڈیوڈ ویا اور فرینڈو ٹوریس کی جگہ برازیل میں پیدا ہونے والے ڈیاگو کوسٹا کو ٹیم میں جگہ دی۔

ڈیاگو گوسٹا برازیل کی نمائندگی کر چکے ہیں۔ برازیلی تماشیائیوں کو ڈیاگو کوسٹا کی ’غداری‘ پسند نہیں آئی اور انھوں نے ان پر آوازیں کسیں۔

سپین کی طرف سے واحد گول ایکس زیبی الانسو نے پنلٹی کک پر کیا۔

اسی بارے میں