بلاوائیو: زمبابوے نے افغانستان کو چھ وکٹوں سے ہرا دیا

تصویر کے کاپی رائٹ Getty
Image caption سکندر رضا نے چھ چوکوں کی مدد سے 42 رنز بنائے اور آؤٹ نہیں ہوئے

زمبابوے کے شہر بلاوائیو میں کھیلے جانے والے پہلے ایک روزہ میچ میں زمبابوے نے افغانستان کو چھ وکٹوں سے شکست دے دی۔

زمبابوے نے 224 رنز کا ہدف 45.2 اوورز میں حاصل کر لیا۔

زمبابوے کی جانب سے برینڈن ٹیلر نے پانچ چوکوں کی مدد سے 43 جبکہ سکندر رضا نے چھ چوکوں کی مدد سے 42 رنز بنائے اور آؤٹ نہیں ہوئے۔

اس سے قبل افغانستان نے مقررہ 50 اوورز میں نو وکٹوں کے نقصان پر 223 رنز بنائے۔

افغانستان کی جانب سے سمیع اللہ شنواری نے تین چوکوں اور ایک چھکے کی مدد سے 65 رنز بنائے اور آؤٹ نہیں ہوئے۔

افغانستان کے دوسرے نمایاں بلے باز محمد نبی رہے، انھوں نے تین چوکوں اور تین چھکوں کی مدد سے 54 رنز بنائے۔

زمبابوے کی جانب سے ٹینڈائی چھتارا اور ڈونلڈ تریپانو نے دو دو کھلاڑیوں کو آؤٹ کیا۔