میلبرن: وینس ولیمز کو نوآموز امریکی کھلاڑی سے شکست

تصویر کے کاپی رائٹ Reuters
Image caption کیز کا کہنا ہے کہ انھیں ٹینس کھیلنے کی ترغیب وینس ولیمز سے ہی ملی تھی

امریکہ کی 19 سالہ ٹینس کھلاڑی میڈیسن کیز نے آسٹریلین اوپن گرینڈ سلام ٹورنامنٹ کے کوارٹر فائنل میں تجربہ کار وینس ولیمز کو شکست دے دی ہے۔

میلبرن میں جاری ٹورنامنٹ میں کیز نے بدھ کو کوارٹر فائنل مقابلہ ایک کے مقابلے میں دو سیٹس سے جیتا۔

انھوں نے اس میچ میں چھ تین، چار چھ اور چھ چار کے سکور سے کامیابی حاصل کی۔

یہ پہلا موقع ہے کہ کیز کسی گرینڈ سلام کے سیمی فائنل تک پہنچ پائی ہیں۔

کیز کا کہنا ہے کہ وینس ان کے بچپن کی ہیرو ہیں اور انھیں ٹینس کھیلنے کی ترغیب وینس ولیمز سے ہی ملی تھی۔

سیمی فائنل میں اب میڈیسن کیز کا مقابلہ وینس کی ہی بہن اور ٹورنامنٹ کی ٹاپ سیڈ سرینا ولیمز سے ہو گا۔

وینس نے کوارٹر فائنل میں گذشتہ سال فائنل ہارنے والی ڈومینیکا سبلكووا کو سٹریٹ سیٹس میں چھ دو اور چھ دو سے ہرایا ہے۔

اسی بارے میں