انگلینڈ کو اب بھی نتیجے کی امید

تصویر کے کاپی رائٹ AP
Image caption جو روٹ نے انگلینڈ کی پہلی اننگز میں 85 رنز

انگلینڈ کی کرکٹ ٹیم کے بیٹسمین جو روٹ کا کہنا ہے کہ کپتان الیسٹرکک کی شاندار بیٹنگ نے یہ امید پیدا کردی ہے کہ انگلینڈ پاکستان کو دباؤ میں لیتے ہوئے اپنے حق میں نتیجہ برآمد کرسکتی ہے۔

واضح رہے کہ ابوظہبی ٹیسٹ کے آخری دن انگلینڈ کی ٹیم 46 رنز کی برتری کے ساتھ پہلی اننگز شروع کرے گی۔

جو روٹ جنھوں نے انگلینڈ کی پہلی اننگز میں 85 رنز سکور کیے کہتے ہیں کہ انگلینڈ کی کوشش ہوگی کہ آخری دن پاکستانی ٹیم کو دباؤ میں لینے کی کوشش کی جائے اور میچ جیتا جائے۔

جو روٹ نے کک کی اننگز کے بارے میں کہا کہ انھیں اندازہ ہے کہ کک کو اپنی ٹرپل سنچری مکمل نہ کرنے کا یقیناً افسوس ہوا ہوگا۔

جو روٹ نے پاکستانی بولنگ کی تعریف کرتے ہوئے کہا کہ ایک ایسی وکٹ پر جو بولرز کے لیے مددگار نہیں اس پر ان بولرز نے آسانی سے رنز نہیں بنانے دیے رن ریٹ کو کنٹرول میں رکھا۔

فاسٹ بولرز نے ریورس سوئنگ کی مہارت دکھائی خاص کر وہاب ریاض کا ایک اسپیل بہت ہی اچھا رہا تاہم انگلش بیٹنگ کو اس بات کا کریڈٹ جاتا ہے کہ اس نے بہت ہی توجہ سے بیٹنگ کی، بڑی شراکتیں قائم کیںاور میچ میں موجود رہی۔

اسی بارے میں