فاسٹ بولر عمران خان ان فٹ ہو کر تیسرے ٹیسٹ سے باہر

تصویر کے کاپی رائٹ AFP
Image caption عمران خان نے ابوظہبی ٹیسٹ میں دو اور دبئی ٹیسٹ میں چار وکٹیں حاصل کی تھیں

پاکستانی کرکٹ ٹیم کے فاسٹ بولر عمران خان ان فٹ ہو کر انگلینڈ کے خلاف اتوار کے روز سے شارجہ میں شروع ہونے والے تیسرے ٹیسٹ میچ سے باہر ہوگئے ہیں۔

انگلش بولر مارک وڈ زخمی ہو کر تیسرے ٹیسٹ سے باہر

جمعے کے روز شارجہ کرکٹ سٹیڈیم میں پاکستانی ٹیم کی پریکٹس کے دوران گیند عمران خان کے دائیں ہاتھ پر لگی جس سے وہ بولنگ کرتے ہیں، جس کے بعد انھیں اسپتال لے جایا گیا۔

پاکستانی کرکٹ ٹیم کے مینیجر انتخاب عالم کے مطابق عمران خان اس پوزیشن میں نہیں کہ تیسرا ٹیسٹ کھیل سکیں۔

توقع یہی ہے کہ ان کی جگہ فاسٹ بولر راحت علی کو پاکستانی ٹیم میں شامل کیا جائے گا۔

عمران خان نے ابوظہبی ٹیسٹ میں دو اور دبئی ٹیسٹ میں چار وکٹیں حاصل کی تھیں۔

وہ سات ٹیسٹ میچوں میں 20 وکٹیں حاصل کر چکے ہیں جس میں ان کی بہترین بولنگ 58 رنز کے عوض پانچ وکٹیں ہے۔

اسی بارے میں